अविरल वर्षाका कारण घर भत्किँदा कैलालीमा श्रीमतीको मृत्यु, श्रीमान घाइते

धनगढी – अबिरल वर्षाका कारण कच्ची घर भत्किँदा कैलालीको गोदावरी नगरपालिकामा एकजनाको मृत्यु भएको छ ।

जिल्ला प्रहरी कार्यालय कैलालीका प्रमुख प्रहरी उपरीक्षक विनोद घिमिरेका अनुसार आइतबार राति १ बजे कच्ची घर भत्किँदा गोदावरी नगरपालिका–९ धनचौरीकी ६२ वर्षीया दुथा रानाको मृत्यु भएको हो ।

रानाको घरमै सुतिरहेको अवस्थामा घर भत्किएर च्पापिएर मृत्यु भएको प्रहरीले जनाएको छ । घरले च्यापेर ६५ वर्षीय कडेवा राना घाइते भएका छन् । घाइते र मृतक श्रीमान–श्रीमती हुन् ।