स्पेनलाई आयोजक रुसको चुनौती, प्रतिस्पर्धामा डेनमार्क र क्रोएसिया



रुसमा जारी विश्वकप फुटबल अन्तर्गत आइतबार नकआउट चरणका दुई महत्वपूर्ण खेल हुँदैछन् । क्वाटरफाइनल प्रवेशका लागि आयोजक रुसले स्पेन तथा क्रोएसियाले डेनमार्कसँग प्रतिस्पर्धा गर्दैछन् ।

आइतबारको पहिलो खेलमा बेलुका पौने ८ बजे मस्कोमा आयोजक रुस र स्पेनबिचको खेल हुनेछ । स्पेन समूह बी को विजेता तथा रुस समूह ए को उपविजेताको रुपमा अन्तिम १६ मा आएका हुन् ।

पहिलो खेलमा साउदी अरेबियालाई ५–० तथा दोस्रो खेलमा इजिप्टलाई ३–१ ले हराएको रुस तेस्रो खेलमा उरुग्वेसँग ३–० ले पराजित भएको थियो ।

यस्तै पहिलो खेलमा पोर्चुगलसँग ३–३ को बराबरी गरेको स्पेनले दोस्रो खेलमा इरानलाई १–० ले हरायो । उसले तेस्रो खेलमा मोरक्कोसँग २–२ को बराबरी गरेको थियो ।

प्रतियोगिता सुरु हुनुअघिसम्म कमजोर मानिएको रुसले घरेलु मैदानको आत्मबल लिएको जस्तो देखिएको छ । यसले गर्दा आइबारको खेल स्पेनका लागि सजिलो नहुने देखिन्छ ।

यस्तै आइतबार हुने अर्को खेलमा राति पौने १२ बजे क्रोएसिया र डेनमार्कले निज्हनी नोभ्गोरोडमा हुनेछ ।

क्रोएसिया समूह डी को विजेता तथा डेनमार्क समूह सी को उपविजेताको रुपमा अन्तिम १६ मा आएका हुन् ।

पहिलो खेलमा पेरुलाई १–० ले हराएको डेनमार्कले दोस्रो खेलमा अस्ट्रेलियासँग १–१ को बराबरी खेलेको थियो । यस्तै उसले तेस्रो खेलमा फ्रान्ससँग गोल रहित बराबरी खेलेको थियो ।

क्रोएसियाले भने पहिलो खेलमा नाइजेरियालाई २–० तथा दोस्रो खेलमा अर्जेन्टिनलाई ३–० ले हराएको थियो । उसले तेस्रो खेलमा आइसल्याण्डमाथि २–१ को जित निकालेको थियो ।

यसअघि शनिबार राति भएका खेलमा जित निकाल्दै उरुग्वे र फ्रान्सले अन्तिम ८ मा स्थान बनाएका छन् ।

प्रतिक्रिया दिनुहोस
एमालेले बोलायो संसदीय दलको बैठक

     नेकपा एमालेले संसदीय दलको बैठक बोलाएको छ । पार्टी अध्यक्ष तथा

नक्कली भौचर दिएर माछापुच्छ्रे बैंकका कर्मचारीद्वारा लाखौं रकम झ्वाम

    रुपन्देहीको मर्चवारस्थित माछापुच्छ्रे बैंकको शाखारहित सेवा केन्द्रका कर्मचारीले दर्जनौं बचतकर्ताको रकम

मकवानपुर थानाभर्‍याङको तेस्रो ठूलो सबस्टेसन सञ्चालनमा

    प्रधानमन्त्री पुष्पकमल दाहाल ‘प्रचण्ड’ ले ४०० केभीको हेटौंडा सबस्टेसन उद्घाटन गरेका

जवाफ दिन सरकारलाई सभामुखको रूलिङ

     सभामुख देवराज घिमिरेले सदनमा उठेको विषयमा जवाफ दिन सरकारको रुलिङ गरेका