३ किलो सुनसहित काठमाडौंको नागढुंगाबाट दुईजना भारतीय नागरीक दिपक कुमार मोर्रे र मनोज विक पक्राउ
राजधानीको नागढुंगा चेकप्वाइन्टबाट ३ किलो सुनसहित दुई जना पक्राउ परेका छन् ।
पक्राउ पर्नेहरुमा भारतीय नागरीक दिपक कुमार मोर्रे र मनोज विक रहेको महानगरीय प्रहरी परिसर काठमाडौंका प्रमुख (एसएसपी) विश्वराज पोखरेलले जानकारी दिएका छन् ।
शनिवार बिहान साढे ११ बजे भारतीयत नम्बर प्लेट अंकित मारुती कारको एयर फिल्टरमा लुकाएर ल्याएको अवस्थामा ३ किलो सुन बरामद गरिएको बताइएको छ ।
युके ०२४६८४ नम्बरको उक्त मारुती कार भारतको चम्परा स्थायी घर भएका १९ वर्षीय दिपक मोर्रेले चलाएको प्रहरीले जनाएको छ ।
घटनाबारे थप अनुसन्धान भइरहेको बताईएको छ ।
