रौतहटमा प्रहरी र भारतीय अपराधीबीच गोली हानाहान, एकको मृत्यु
रौतहट –रौतहटको दक्षिणी सिमावर्ती क्षेत्र राजदेवी नगरपालिका –४ गडहिया डुुमरिया नजिक बागमती नदीको बाँधमा बिहिवार राती ११ बजे प्रहरी टोली र भारतीय समुहबीच दोहरो गोली हानाहान हुुँदा एकजना अपराधीको मृत्युु भएको छ ।
भिडन्तमा प्रहरीको गोली लागेर घाईते भएका २५ बर्षीय अपराधीको मृत्युु भएको हो ।
घाईतेलाई उपचारको लागि जिल्ला अस्पताल गौरमा लैजादा डाक्टरले मृत घोषणा गरेको जिल्ला प्रहरी कार्यालयका निमित प्रमुख डीएसपी रामकुुमार दानीले बताए ।
घटनास्थलबाट प्रहरीले एकथान अटोमेटिक हतियार एसएमजी,४ थान गोली, म्यागजिन १ थान र पडकेको खोकासमेत बरामद गरेको जनाएको छ ।
भारतीय अपराधीको गतिविधि बढेको सूचनाका आधारमा प्रहरी त्यहाँ पुगेको थियो ।
भारतीय नम्बर प्लेटको मोटरसाईकलमा सवार तीनजना अपराधीलाई प्रहरीले चेकजाँच गर्न खोज्दा पछाडि बसेकाले अचानक एसएमजीबाट फायर खोलेको प्रहरीको भनाई छ ।
दुई जना अपराधी भने भाग्न सफल भएका छन् ।
हालसम्म मृतकको सनाखत भएको छैन् । शब अस्पतालमै राखिएको छ ।
घटनास्थल जिल्ला सदरमुकामबाट करीव ७–८ किलोमिटर पूर्व भारतीय सीमाक्षेत्रसँग जोडिएको छ ।
