वैैदेशिक रोजगारमा विदेश जानेलाइ आयो खुशिको खबर, अबदेखि विदेशमा जेल परेकाको मुद्दा सरकारले लड्ने, खर्चपनि सरकारले गर्ने
सरकारले अब वैदेशिक रोजगारीसम्बन्धी सबै काम अनलाइनबाट गर्ने भएको छ । सरकारले आउँदो २० दिनभित्रै वैदेशिक रोजगारीसम्बन्धी सबै सेवा अनलाइनबाटै दिने तयारी थालेको छ ।
यस्तै वैदेशिक रोजगारीकै शिलशिलामा विभिन्न मुद्दामा जेल परेकाहरुको मुद्दा सरकार आफैले लड्ने भएको छ । श्रममन्त्री गोकर्ण विष्टले प्रतिनिधि सभामा सम्बोधन गर्दै आगामी २० दिनभित्र वैदेशिक रोजगारसँग सम्बन्धित सबै सेवाहरु अनलाइनबाटै प्रवाह हुने घोषणा गरेका छन् ।
उनले कुटनीतिक नियोग, श्रम कार्यालय, वैदेशिक रोजगार विभाग, मेनपावर कम्पनी, इन्स्योरेन्स कम्पनीहरुलाई अनलाइनबाट जोड्न लागेको जानकारी गराए ।
यसले ठगी नियन्त्रण तथा सेवा प्रवाहमा गुणस्तर आउने श्रममन्त्री बिष्टले दावी गरेका छन् । विदेशमा बिभिन्न मुद्दा लागेका नेपाली कामदारहरुको मुद्धा समेत अब सरकारले नै लडिदिने भएको छ ।
सरकारले वैदेशिक रोजगारीका क्रममा बिभिन्न देशका जेलहरुमा रहेका नेपालीहरुको मुद्दा लड्ने व्यवस्था मिलाउन लागेको हो । हाल बिभिन्न मुलुकका जेलहरुमा ३३५ जना नेपाल छन् ।
चालु आर्थिक बर्षमा मात्रै १८ वटा देशमा ७७७ जना नेपालीले ज्यान गुमाएका छन् । हालसम्म ६ हजार ६५९ नेपालीले विदेशमै ज्यान गुमाउन परेको छ । हालसम्म विदेशी अस्पतालमा २३ जना नेपाली कोमामा रहेका छन् । मन्त्री बिष्टले सात वटै प्रदेशमा श्रम कार्यालय स्थापित गरिसकेको जानकारी पनि गराएका छन् ।
