टेलिकमको प्रवन्ध निर्देशक कामिनी राजभण्डारीलाई थुनियो रातभरी कार्यकक्षभित्रै, यस्तो छ कारण
नेपाल टेलिकमको प्रवन्ध निर्देशक कामिनी राजभण्डारी आफ्नै कर्मचारीहरुको घेराबन्दीमा परेकी छिन । सम्झौता गरे अनुरुप काम गर्न नसकेको र नेपाल टेलिकमलाई डुबाएर एनसेललाई पोसेको आरोपमा सञ्चारमन्त्री गोकुल बास्कोटाले हटाउन खोजेपनि प्रचण्डलाई गुहारेर पदमा थमौति पाएकी कामिनी आफ्नै कार्यकक्षमा हिजो सोमबार राती ३ बजेसम्म घेराउमा परेकी छन् ।
नेपाली कांग्रेसआबद्ध नेपाल टेलिकम वर्कस युनियनको आह्वानमा सोमबार साँझदेखि टेलिकम व्यवस्थापनले दुई तिहाइ बहुमत सरकारको रबर स्टायम्प भएर काम गर्न थालेकाले युनियनले विरोधस्वरूप घेराउ कार्यक्रम राखेका हुन् । प्रबन्ध निर्देशक राजभण्डारीलाई सोमबार साँझदेखि राती ३ बजेसम्म शान्तिपूर्ण धर्नामार्फत आफ्नै कार्यकक्षमा बन्दी बनाइएको थियो ।
उनलाई नेपाली कांगै्रेस निकट कमएचारीहरुले आफ्नो कार्यकष्बाट ढिम्किन नदिई त्यही धर्ना दिएर कार्यकक्षमै बन्दी बनाएका हुन ।
कांग्रेस निकट कर्मचारीहरुका अनुसार कामिनी राजभण्डारीले नेपाल टेलिकमलाई नेपाल कम्युनिस्ट पार्टीको सहोदर बन्धुको कार्यालयको रूपमा विकास गर्न थालेको भन्दै उनीहरुले आपत्ति जनाएका हुन । ।
टेयुनियनले सोमबार राती ३ बजेसम्म घेराउ गरेपछि कर्मचारीहरूबीच धर्ना कार्यक्रमलाई कसरी प्रभावकारी बनाउन सकिन्छ भनी सल्लाह गर्न स्थगित गरिएको सो धर्ना कार्यक्रम आज मंगलबार फेरि मध्यान्हबाट सुरु हुने जनाइएको छ ।
