मिटर ब्याजमा पैसा लगाउले नतिरे बन्दुक देखाएर धम्क्याउने प्रहरी खोरमा, को हुन महेशबहादुर सिंह
लाइसेन्स प्राप्त हतियारको आडमा अपराधिक क्रियाकलाप गर्दै आएका एक पेशेवर अपराधीको हतियार प्रहरीले खोसेको छ ।
मिटर ब्याजमा पैसा लगाउले नतिरे बन्दुक देखाएर धम्क्याउने महेशबहादुर सिंह प्रहरी खोरमा जाकिएका छन ।
महानगरीय अपराध अनुसन्धान महाशाखाको टोलीले हेटौंडा घर भइ हाल ललितपुर–१३, भनिमण्डल बस्दै आएका महेशबहादुर सिंहको साथमा रहेका एउटा १२ बोरको दुई वटा सटगन, ४ वटा २२ बोरको राइफल, र ती हतियारमा लाग्ने १ सय ३६ राउण्ड गोली बरामद गरेको हो ।
उनी अपहरण तथा शरिर बन्धक, वन्यजन्तुको अवैध चोरी निकासी लगायतका घटनामा मुछिएका व्यक्ति हुन् ।
महाशाखाका प्रमुख धिरज प्रताप सिंहका अनुसार हातहतियार खरखजाना ऐन, २०१९ बमोजिमको सर्तमा इजाजत लिए पनि नियम उल्लंघन गरेपछि जिल्ला प्रशासन कार्यालय, काठमाडौं र ललितपुरबाट इजाजत रद्द गरेर हतियार बरामद गरिएको हो ।
बरामद गरिएको हतियार सरकारी कोषमा दालिखा गरिएको महाशाखाले जनाएको छ ।
