मलेसियामा नेपाली कामदार चढेको बस दुर्घटना, ३६ नेपाली घाइते
पेनाङस्थित पया टेर्वोङमा नेपाली कामदार बोकेको बस दुर्घटना भएको छ ।
६० जना यात्रु रहेको बसमा सोमबार बिहान स्थानीय समयनुसार साढे ५ बजे प्लेकसस् कम्पनीको ‘सी’ साइडमा काम गर्न जाने क्रममा दुर्घटना हुदाँ ३६ जना नेपाली कामदार घाइते भएका छन् ।
घटना लगत्तै मलेसियाको उद्धार टोली आएर अस्पताल लगेको थियो । प्रत्यक्षदर्शी झापाका सागर उप्रेतीका अनुसार अधिकांशको टाउको, हात र खु्ट्टामा चोट लागेको छ । केही गम्भीर घाइते छन् भने केहि सामान्य घाइते रहेका छन् । उनले तरकारी किन्न जाँदा घाईते नेपालीहरु सडक छेउमा देखेको बताए ।
उनीहरुको पालुवा पेनाङ अस्पतालमा उपचार भइरहेको छ ।
