देवीटारबाट बनेपातर्फ आउँदै गरेको १२ यात्रु बोकेको मिनी ट्रकमा आगो लाग्यो, बल्दै खोल्सामा खस्यो
करीब १२ यात्रु बोकेको मिनी ट्रक काभ्रेको बनेपा–५ रबिओपीमा दुर्घटना भएर आगो लागेको छ ।
देवीटारबाट बनेपातर्फ आउँदै गरेको बा ४ ख ३४१२ नम्बरको मिनि ट्रकमा आगो लागेको स्थानीयले जानकारी दिएका छन् । आयो लागेको सो मिनी ट्रक सडकबाट करीब ३० मिटर तल खसेको छ ।
काभ्रे प्रहरीका डिएसपी महेन्द्र मरासैनीका अनुसार घटनास्थलबाट प्रहरीले ६ जनाको उद्दार गरी अस्पताल पठाएको छ । तीमध्ये एक जनाको अवस्था गम्भीर छ । ‘मिनि ट्रकमा १०–१२ जना थिए भन्ने कुरा आएको छ, हामी अरूलाई पनि खोज्दैछौं,’ मरासैनीले भने । घटनाको बिस्तृत विवरण आउन बाँकी रहेको जनाइएको छ । फाइल तस्विर
