को हुन भाइकाजी घिमिरे, सुन तस्करी काण्डका अभियुक्त छुटाउँन भन्दै प्रचण्ड र गृहमन्त्री थापाको घर चहार्दे हिडने



तत्कालीन माओवादी र अहिले नेकपाको एउटा पिल्लर पुष्पकमल दाहाल प्रचण्डको नजिक रहेको देखाउँदै सुन तस्करीका अभियुक्त बचाउने खेलमा लागेका छन् एक बिचौलिया ।

नर्भिक अस्पताल मालिक बसन्त चौधरीको लगानीमा हिँड्ने यी बिचौलियाको नाम हो, भाइकाजी घिमिरे । चितवन स्थायी घर भएका भाइकाजी प्रचण्ड र गृहमन्त्री रामबहादुर थापा बादल नजिक भएको बताउँछन् ।

बादलपुत्र र पत्नी नैनकलासँग नजिक रहेका भाइकाजीको काम भनेकै विवादीत विषय मिलाउने नाममा कमिशन लिने हो । यसैकारण अहिले उनी सुन तस्करी काण्डमा अभियुक्त मध्येका एकजना लालबहादुर मगरलाई बचाउनका लागि शक्ति केन्द्रमा सक्रिय रहेका छन् ।

विभिन्न तस्कर समुह र दुई नम्बरी समुहको काम लिने घिमिरे प्रशासन पनि आफ्नो मुट्ठीमा रहेको बताउँदै हिँड्छन् । नर्भिक अस्पतालको गाडी प्रयोग गरी उनी तस्करीका अभियुक्त छुटाउनका लागि बिराटनगरसम्म पुगेका थिए, घिमिरे ।

चौधरीका विवादीत र कानुनी झन्झट हुने काम पनि घिमिरेले हेर्ने गरेका छन् । त्यसलाई मिलाए वापत उनले लाखौं लिने गरेका छन् । यहाँसम्मकी चौधरी ग्रुपमा उनलाई सबै सुविधा सित्तैमा छ ।

घिमिरेले करोडौं मुल्य बराबरको घर भक्तपुरमा बनाएका छन् । उनले गृह प्रशासन, प्रहरीमा पनि सरुवा बढुवाको जिम्मा लिने गरेका छन् ।

उच्च स्रोतका अनुसार उनले विवादीत काममा हात हालेर गृह प्रशासन, प्रहरी बढुवा सरुवाको काम पनि हेर्ने बताउँदै दुनियाँसँग रकममा डिल गर्दै आएका छन् ।

पछिल्लो समय सुन तस्करीको अभियोगमा पूर्पक्षमा रहेका थाई एयरका कर्मचारी लालबहादुर मगर लगायतलाई जोगाउनका लागि शक्ति केन्द्र र अदालतलाई प्रभावमा पार्न सक्रिय घिमिरेले खानेपानी मन्त्री बिना मगर नजिक देखिन भाईटिका समेत लगाउने गरेका छन् ।

मन्त्री मगरलाई बद्नाम हुनेगरी विभिन्न काम गर्ने घिमिरे सिंहदरबारमा दिनभरी बस्ने र विवादीत कामको जिम्मा लिन्छन् । चौधरीका कम्पनीका विवादीत काम मिलाएवापत घिमिरेले राम्रो रकम हात पार्ने गरेका छन् ।

त्यतिमात्र नभएर साना–ठूला ठेक्का टेन्डरको सेटिङ पनि उनैले मिलाउने गरेका छन् । स्रोतले भन्यो,‘शक्ति केन्द्रमा उनको एकाधिकार जस्तो छ । हरेक काम गर्छु भनेर सम्पर्क र सम्बन्ध बढाउने काम गर्छन् ।’
-जनप्रहार साप्ताहिक

प्रतिक्रिया दिनुहोस
शर्मिला वाइबालाई चार दिन हिरासतमा राख्न अनुमति

    आफूलाई अभियन्ता बताउँदै व्यक्तिगत विषयहरुमा सामाजिक सञ्जालमार्फत टिप्पणी गर्ने शर्मिला वाइबालाई

सरकारको आफ्नै काम कारबाहीप्रति प्रधानमन्त्रीको असन्तुष्टि

    अर्थमन्त्री डा.प्रकाशशरण महतसँगको खटपटको चर्चाबीच प्रधानमन्त्री पुष्पकमल दाहाल प्रचण्डले आफैँले किटान

दूधको भुक्तानी दे, किसान मार्न पाइँदैन भन्दै कृषिमन्त्रीको राजीनामा माग

    किसानहरूले लुम्बिनी प्रदेशका विभिन्न जिल्लामा कृषिमन्त्रीको राजीनामा मागसहित चक्काजाम गरेका छन्

परिस्थिति जटिल र चुनौतीपूर्ण छ : प्रधानमन्त्री प्रचण्ड

  प्रधानमन्त्री पुष्पकमल दाहाल प्रचण्डले आफू नेतृत्वको सरकारले लक्ष्य अनुसार परिणाम दिन नसकेको