भारतको दरभंगा मामाघर जान लागेको एक नेपाली युवतीको फिल्मी सैलीमा रेलबाटै भारतमा अपहरण



रक्सौलबाट दरभंगा जाँदै गरेको रेलबाट एक नेपाली युवतीको अपहरण भएको घटना सार्वजनिक भएको छ ।

पर्सा जिल्लाको वीरगंज महानगरपालिका ७ कुम्हारटोल बस्ने एक २२ वर्षकी युवतीको रक्सौलबाट दरभंगा जाने क्रममा रेलबाटै अपहरण भएको जनाइएको छ ।

जेठ २७ गते आइतबार परिवारजनसँगै मामाघर जान लागेकी २२ वर्षकी नेहा कर्णको भारतको आदापुर र घोडाहासनको बिचमा अपहरण भएको हो । अपहरण गएको हप्ता नै भएपनि जिल्ला प्रहरी कार्यालय पर्सामा ४ दिन अगाडि मात्रै उजुरी दर्ता भएपछि घटना सार्वजनिक भएको हो ।

यता, छोरी नेहाको अपहरण गरेको भन्दै पीडित पक्षले आफ्नै छिमेकी लाल मोहम्मदका २५ वर्षका छोरा एमडी विरुद्ध उजुरी दर्ता गराएका छन् ।

पीडित पक्षले छोरी हराएको ३ दिनपछि एमडीले घरमा फोन गरेर तपाईको छोरी संदिग्ध अवस्थामा फेला परेको र अहिले हाम्रो संरक्षणमा रहेको जानकारी गराएका थिए भने छोरी लिन पोखरिया भन्ने ठाउँमा समेत बोलाएका थिए तर पीडित पक्षले एमडीले आफै छोरीको अपहरण गरेको भनि छोरी खोजदिन निवदेन दर्ता गराएका छन् ।

फिल्मी तवरले भयो घटना


वीरगंज महानगरपालिका ७ कुम्हारटोल बस्ने २२ वर्षकी नेहा जेठ २७ गते मामाघर भारतको दरभंगा जानलाई आमा रुवीदेवी कर्णसँगै रक्सौलबाट रेलमा चढे ।

बिहान ९ बजे रक्सौल जंसनको २५२३० डाउन डीएमयू रेलमा चढेकी नेहा कर्ण ११ बजे भारतको आदापुरबाट घोडाहासनको बिचमा शौचालय जान्छु भनि आमालाई भनेर रेलभित्रै रहेको शौचालयमा पुगिन् । तर, शौचालय गएको नेहा धेरै बेरसम्म पनि सिटमा नफर्केपछि आमाले शौचालय पुगेर हेर्दा नेहा त्यहाँ थिइनन् ।

यता, नेहाकी आमाले आफ्नो छोरीको अपहरण भएको आंशका गरिन् तर उक्त अपहरण नेहाको बुवाले एजेन्टको रुपमा काम गरि रहेको कम्पनीमाथी रिसाएकाहरुले गर्न सक्नु हुने आंशका उनको थियो ।

नेहाका बुवा एउटा सहकारी संस्थाको लागी वीरगंजमै कलेक्सनको काम गरिरहेका थिए तर केही दिन अगाडि नै त्यो कम्पनी पैसा लिएर फरार भएपछि ग्राहकले जम्मा गरेको रकम फिर्ताको लागि उनलाई नै दोषी ठहराउँदै उनीमाथि दबाब सिर्जना गरेका थिए ।

यस्तै, रकम फिर्ता भएन भने यसको परिणाम गलत हुन सक्ने धम्की समेत दिएका थिए । उक्त धाकधम्की दिएको केही दिन नवित्दै नेहा हराएकी हुन् ।

यता, नेहा हराएको दिन नै उनकी आमाले भारतमै एफआईआर दर्ज समेत गराएकी थिईन् ।

घटना भएपछि पीडितलाई सहयोग गरि रहेको समाजिक अभियन्ता सुमित कर्णका अनुसार पीडित पक्षले पहिला ग्राहकहरुमाथी आंशाका लागेर नेहा अपहरण भएको दिन भारतमा हुँदा भारतमै एफआरआई दर्ज गराए पनि पछि उनकै छिमेकी एमडी भन्नेले नेहाको खबर दिएका थिए । त्यस पछाडि पीडित पक्षले उनकै विरुद्ध वीरगंज प्रहरी कार्यालयमा उजुरी दर्ता गराएका छन् । देश सञ्चारले जनाएको छ ।

प्रतिक्रिया दिनुहोस
आईसीसी क्रिकेट वर्ल्डकप : नेपाल १७२ रनमै अलआउट

    आईसीसी विश्वकप लिग-२ क्रिकेटअन्तर्गत अहिले घरेलु मैदानमा जारी पहिलो त्रिदेशीय एकदिवशिय

पर्यटनमन्त्री किराती कमिसनमा लिप्त रहेको सांसद खतिवडाको आरोप

    प्रमुख प्रतिपक्षी एमालेले राजीनामा मागिरहेकै बेला गठबन्धनको प्रमुख घटक कांग्रेसका सांसदले

सहकारी संचालकलाई कारबाही गर्न कसले रोक्यो : सांसद भट्टराई

    नेकपा एमालेकी सांसद विद्या भट्टराईले सरकार सहकारीबाट पीडित नागरिकहरुको समस्या समाधानमा

इलाम क्षेत्र नम्बर २ र बझाङ प्रदेशसभा क्षेत्र नम्बर १ को उपनिर्वाचन आगामी वैशाखमा

  . प्रतिनिधि सभाको इलाम क्षेत्र नम्बर २ र बझाङ प्रदेशसभा क्षेत्र नम्बर