गाँउमा खेल्न नपाएपछि जंगलमा जुवाको खाल, १ लाख रुपैयाँ बरामत, दुईजाना जाकिए प्रहरीको खोरमा



प्रहरीले झापाको शिवसताक्षी नगरपालिकाबाट ३ जना जुवाडेलाई पक्राउ गरेको छ । उनीहरुको सथाबाट १ लाख ९ हजार ९ सय ९० रुपैयाँ समेत बरामद भएको छ ।

आइतबार साँझ नगरपालिकाको ११ नम्बर वडा स्थित जंगलमा जुवा खेलिरहेको गोप्य सूचनाको आधारमा छापा मारेर शिवसताक्षी–८ का सुमन गुप्ता, कनकाई नगरपालिका–६ का कुलबहादुर दर्नाल र अर्जुनधारा नगरपालिका–६ का सन्तोष विकलाई नियन्त्रणमा पक्राउ गरिएको हो ।

जिल्ला प्रहरी कार्यलय, झापाका डिएसपी जितेन्द्रकुमार बस्नेतले उनीहरुलाई इलाका प्रहरी कार्यालय, झिलझिलेमा राखेर थप अनुसन्धान थालिएको बताए ।

स्थानीयका अनुसार जुवाको खालमा प्रहरी टोलीले पुग्ने वित्तिकै केही जुवाडे भागेका थिए । तर, उनीहरुलाई पक्राउ गर्न प्रहरी असफल भयो । जुवा खेल्नेमा केही प्रतिष्ठित व्यापारी र राजनीतिक दलसँग आबद्ध व्यक्ति समेत भएको प्रहरी स्रोतको दाबी छ ।

प्रहरीले फरार रहेकाहरुको खोजी गरिरहेको दाबी गरे पनि उनीहरुसम्म पुग्न सकेको छैन । प्रहरीलाई सताक्षीधामको पिकनिक स्पट पूर्वको सामुदायिक वनभित्रको जंगलमा जुवा खेलाइने गरिएको सूचना यसअघि पनि आएको थियो । तर, पटकपटकको प्रयासपछि मात्रै प्रहरीको अप्रेशन सफल भएको हो ।

जुवाको खाल नजिकै जुवाडेले पार्किङ्ग गरेर राखेको ३ वटा कार र ५ वटा मोटरसाइकल पनि प्रहरीले बरामद गरेको छ । प्रहरीका अनुसार बा १५ च १९६७, बा १३ च १४७५ र मे १ च ४३८९ नम्बरका कार र मे ८ प १९१२, मे १० प ३६, मे ५ प ६५६३, मे ३ प ५७६९ र मे ९ प २९७२ नम्बरका मोटरसाइकल बरामद भएको हो ।

पक्राउ परेकाहरुमाथि जुवा ऐन म्याद थप गरेर अनुसन्धान भइरहेको छ ।

प्रतिक्रिया दिनुहोस
शर्मिला वाइबालाई चार दिन हिरासतमा राख्न अनुमति

    आफूलाई अभियन्ता बताउँदै व्यक्तिगत विषयहरुमा सामाजिक सञ्जालमार्फत टिप्पणी गर्ने शर्मिला वाइबालाई

सरकारको आफ्नै काम कारबाहीप्रति प्रधानमन्त्रीको असन्तुष्टि

    अर्थमन्त्री डा.प्रकाशशरण महतसँगको खटपटको चर्चाबीच प्रधानमन्त्री पुष्पकमल दाहाल प्रचण्डले आफैँले किटान

दूधको भुक्तानी दे, किसान मार्न पाइँदैन भन्दै कृषिमन्त्रीको राजीनामा माग

    किसानहरूले लुम्बिनी प्रदेशका विभिन्न जिल्लामा कृषिमन्त्रीको राजीनामा मागसहित चक्काजाम गरेका छन्

परिस्थिति जटिल र चुनौतीपूर्ण छ : प्रधानमन्त्री प्रचण्ड

  प्रधानमन्त्री पुष्पकमल दाहाल प्रचण्डले आफू नेतृत्वको सरकारले लक्ष्य अनुसार परिणाम दिन नसकेको