ललितपुरमा भेटियो बर्डफ्लु,एक हजार कुखुरा नष्ट, कुखुराको मासु नखान उर्दी
ललितपुरको गोदावरी स्थित वडिखेल र विशंखुनारायणमा बर्डफ्लू भेटिएको छ । सातदोवाटो प्रहरी प्रमुख विनोद सिलवालले दिएको जानकारी अनुसार अहिले बडिखेलमा राम प्रसाद पहरीको पोल्टी फार्ममा रहेको १००० कुखुरा नष्ट गरिएको छ ।
जिल्ला पशु सेवा कार्यालय ललितपुरका प्रमुख मोगल प्रसाद शाहका अनुसार वर्डफ्लू नियन्त्रणको लागि दुईवटा टोली बनाई खटाइएको छ । बर्डफ्लू नियन्त्रण कार्य जारी रहेको छ । मारिएको कुखुराको गन्ने काम जारी रहेको प्रमुख शाहले भने । प्रमुख शाहका अनुसार बडीखेलको महादेवडाडालाई बर्डफ्लू संक्रमित क्षेत्र घोषणा गरि पक्षी र पक्षीजन्य बस्तु नष्ट गर्ने कार्य जारी रहेको छ । अन्य ठाउँको पनि वर्डफ्लू संक्रमण भए नभएको अध्ययन भैरहेको छ ।
