देउवाले गिजोलेर पत्रु बनाएको पुलिसलाई ओली सरकारको यस्तो भर,आँखा चिम्लेर ओलीले गर्ने भए सर्वेन्द्रको निर्णय सदर
सरकारले सातवटै प्रदेशमा प्रदेश प्रहरी प्रमुखका रुपमा डिआइजी खटाउने तयारी गरेको छ । निर्माणाधीन संघीय प्रहरी ऐनको मस्यौदामा सातवटै प्रदेशमा प्रदेश प्रहरी प्रमुखका रुपमा डिआइजी प्रमुख रहने प्रस्ताव गरिएको छ । प्रदेशका अतिरिक्त उपत्यका हेर्ने महानगरीय प्रहरी आयुक्तको कार्यालय रानीपोखरीमा पनि डिआइजीकै कमान्ड रहने प्रस्ताव गरिएको छ । शेरबहादुर देउवा नेतृत्वको सरकारले सातवटै प्रदेश कार्यालयहरुमा एआइजीको दरबन्दी फाजिलमा राखेको थियो । तर, प्रदेश प्रहरी प्रमुखका रूपमा खटिएका एआइजीलाई गृह फिर्ता गर्न सकेको थिएन ।
प्रदेशमा डिआईजी खटाउने भएपछि एआईजीको दरवन्दि घट्ने भएको छ । प्रस्तावित ऐनमा कम्तिमा चार र बढीमा ७ एआईजीको दरवन्दि राख्ने गृहकार्य शुरु गरिएको छ । नेपाल प्रहरीमा अहिले एआईजीको दरवन्दि १६ छ । जस मध्ये नेपाल प्रहरी अस्पत्ताल वाहेक अन्य रिक्त छ । गृह मन्त्रालयका प्रवक्ता रामकृष्ण सुवेदीले संघीय प्रहरी ऐनको मस्यौदा भई रहेको र एआईजी र डिआईजीको दरवन्दि कति राख्ने प्रष्ट भई नसकेको जानकारी दिए ।
