११ सय रुपैयाँको विशेष पूजा गर्दै यसरी शुरु गरे मोदीले पशुपतिमा भब्य पूजा
नेपाल भ्रमणमा रहेका भारतीय प्रधानमन्त्री नरेन्द्र मोदीले पशुपतिनाथको पूजा गरेका छन्। दिउँसो पौने ११ बजे पशुपतिनाथको मन्दिरमा पुगेका उनले करिब ४५ मिनेट पूजा गरेका थिए।
प्रधानमन्त्री भएपछि मोदीले पशुपतिनाथमा दोस्रोपटक पूजा गरेका हुन्। मोदीले १०८ ब्राह्मणका साथमा विशेष पूजा गरे।
आजै बिहान मोदीले मुक्तिनाथमा पूजाआजा गरेका थिए। उनले शुक्रबार जानकी मन्दिरमा पनि पूजा गरेका थिए।
यस पटकको नेपाल भ्रमणमा मोदीले राजनीतिक भेटघाटलाई भन्दा बढी पूजाआजा र तीर्थयात्रामा महत्व दिएको जस्तो देखिएको छ।
करिब एक घण्टा पशुपतिमा बिताउने मोदीले वासुकीनाथ मन्दिरमा ११ सय रुपैयाँको विशेष पूजा गरेका छन् ।
त्यस्तै मोदीले पशुपतिनाथ मन्दिरमा ५१ सय रुपैयाँको विशेष पूजा गरिरहेका छन् । प्रधानमन्त्री मोदीले आजै मुक्तिनाथ मन्दिरको दर्शन गरेर फर्किएका छन् । उनी मुक्तिनाथबाट सिधै पशुपति पुगेका हुन् ।
