टेलिकमलाई २६ अर्व घाटा लगाउने कामिनीलाई ठिक पार्ने यस्तो घुएत्रो तयार,कामिनीको धन्धा सुनेर ओली भए फायर
सोमबार बेलुका बसेका मन्त्रिपरिषद्को बैठकले पाँचवटा महत्वपूर्ण निर्णय गरेको थियो । जस्मा १८ जना सह सचिवहरुको सरुवा देखि भारतीय प्रधानमन्त्री नरेन्द्र मोदीको आगामी शुक्रबारदेखि हुन लागेको नेपाल भ्रमणको कार्यक्रम स्वीकृत, वैदेशिक रोजगार मागपत्र निर्देशिका २०७५ स्वीकृत र कारागार सम्बन्धी प्रचलित कानुन संशोधन र एकीकृत गर्नका लागि समेत बैठकले सैद्धान्तिक स्वीकृति दिएको छ । यस्तैमध्यको एक निर्णय थियो नेपाल टेलिकमकी प्रबन्ध निर्देशक कामिनीराज भण्डारीलाई बर्खास्त गर्ने । सो प्रक्रिया सार्वजानिक नगरिए पनि अगाडि बढिसकेको छ । कामिनीसँग व्यवस्थापकीय काम गर्न नसकेको र संस्था निरन्तर ओरालो लागेको भन्दै स्पष्टीकरण सोध्न सूचना तथा सञ्चार मन्त्रालयलाई स्वीकृति दिएको हो ।
टेलिकमको सेवा र गुणस्तर निरन्तर खस्किँदै गएको र प्रतिस्पर्धी सेवा प्रदायकभन्दा १६ अर्ब रुपैयाँले ओह्रालो लाग्दा पनि कम्पनीको सेवा प्रवाह सुधार गर्न वर्तमान नेतृत्व असक्षम भएको आरोप लागिरहेको छ । नेपाल टेलिकमको नेतृत्वमाथि युटीएल र सिजी कम्पनीबाट १० अर्ब भन्दा बढी रकम उठाउन नसकेको आरोपसमेत लागेको छ । अप्टिकल फाइबर बिछ्याउने काममा कुनै प्रगति नभएको, टावर लगायत पूर्वाधारको काम हुन नसकेको लगायतका आरोप राजभण्डारीमाथि लागेको छ ।
तत्कालीन सञ्चारमन्त्री राम कार्कीका पालामा ०७३ मा नियुक्ति पाएकी कामिनीको पदावधि ०७६ सम्म भए पनि काम गर्ने नसकेको र अनियमितता गरेको आरोप लगाउदै हटाउने तयारी भइरहेको हो । उनलाई सातदिनभित्र स्पष्टीकरण पेश गर्ने भनिएको छ ।
