मोदीको स्वागतका लागी २ नम्बर प्रदेशमा राणा शासन,स्वागतमा घर घरमा कलश राख्न उर्दी
प्रदेश २ को सरकारले भारतीय प्रधानमन्त्री नरेन्द्र मोदीको स्वागतमा घर घरमा कलश राख्न सर्वसाधारणलाई अपील गरेको छ । २८ गते जनकपुर आउन लागेका मोदीको स्वागतको लागि घरघरमा कलश राख्न प्रदेश २ को सरकारले अपील गरेको हो ।
मुख्यमन्त्री लालबाबु राउत र जनकपुर उपमहानरपालिकाका मेयर लालकिशोर साहले संयुक्त पत्रकार सम्मेलन गरी मोदीको स्वागतका लागि आफ्नो घर अगाडि सरसफाइ गर्न र फूलमालाले सजाएर पानी भरिएको पूजाको कलश राख्न नगरबासीलाई अपील गरेका हुन् ।
मोदीको स्वागतमा प्रदेश २ मा सार्वजनिक विदा समेत दिईएको छ । मोदीलाई वाह्रविघा नागरिक अभिनन्दन गरिनेछ । नागरिक अभिनन्दनमा १ लाख मानिस उतार्ने तयारी प्रदेश सरकारको छ । विहान १० बजेसम्म कार्यक्रम स्थल बाह्रबिघामा आइसक्न सबैमा अपील गरिएको छ । नागरिक अभिनन्दन हुने स्थलमा कुनै प्रवेश शुल्क नलाग्ने जनाईएको छ ।
