एकताका लागी सबै मिल्यो भनिए पनि एमाले नेताहरु सुध्रन जरुरी छ भन्दै प्रचण्डले राखे यस्ता तीन सर्त



माओवादी केन्द्रका अध्यक्ष पुष्पकमल दाहाल‘प्रचण्ड’ ले तीनवटा विषय छाडेर एमालेसँग पार्टी एकता गर्न नसकिने बताएका छन् ।

सोमबार काठमाडौमा माओवादीको भातृृ संगठन वाइसीएलको केन्द्रीय स्कुल विभागले गरेको अन्तरक्रिया तथा प्रशिक्षण कार्यक्रममा युवाहरुले एकताबारे सोधेको प्रश्नको जवाफ दिदै प्रचण्डले जनयुद्ध, जनआन्दोलन र जनताका एजेण्डालाई छोडेर पार्टी एकता हुन नसक्ने बताएका हुन् ।

एमाले–माओवादी पार्टी एकता प्रकृया अन्तिम चरणमा पुगेका वेला अध्यक्ष प्रचण्डबाट यस्तो अभिव्यक्ति आएको हो ।

‘ज जसले जे जे भनेपनि जनयुद्ध, जनआन्दोलन र जनताका एजेण्डा छाडेर एमाले माओवादी एकता हुन सक्दैन, हामी यी तीन विषयमा कम्परमाइज गर्न सक्दैनौ’ प्रचण्डको भनाई उदृत गर्दै वाइसियल अध्यक्ष रामप्रसाद सापकोटा ‘दीपशिखा’ले भने,‘परिवर्तनका एजेण्डामा एमाले नेताहरु सुध्रन जरुरी छ ।’

उनले माओवादी आन्दोलन र एजेण्डालाई अपमान गर्न खोजिए देश दुर्घटनामा पर्ने भन्दै युवाहरुलाई त्यसतर्फ सचेत रहन आग्रह पनि गरे । ‘एकता गर्नुपर्छ तर, अपमान र असमान ढंगले एकता हुदैन, विचार र राजनीति छाडेर पनि एकता सम्भव छैन, मानिस बुढो भएपनि विचार कहिल्यै बुढो हुदैन ’ अध्यक्ष प्रचण्डको भनाई थियो ।

प्रचण्डले क्रान्ति अपूर्ण रहेपनि माओवादीले नहारेको भन्दै पूर्णरुपमा जीत हाँसिल पनि गर्न नसकेको बताए । ‘क्रान्ति अपूर्ण रह्यो, तर पनि हामीले हारेका छैनौं, तर पूर्ण रुपमा जित्न पनि सकेका छौनौ । त्यसकारण प्राप्त उपलव्धिलाई जोगाउँदै अघि बढ्नुपर्छ’, प्रचण्डले प्रशिक्षण दिने क्रममा भने ।

कार्यक्रममा अध्यक्ष प्रचण्डले समाजवादमा जाने भएपछि समाजवाद उन्मुख विचार नै अंगाल्नुपर्ने पनि बताएका थिए । उनले अब बन्ने एकीकृत पार्टीको केन्द्रीय समितिमा युवाहरुलाई महत्वपूर्ण स्थान दिँदै नीति निर्माण तहमा युवाहरुलाई पुर्याउने प्रतिबद्धता जनाए ।

दुई पार्टी एकताका लागि भइरहेको अन्तिम गृहकार्यमा जनयुद्ध, जनआन्दोलन लगायतका शव्दहरुप्रति एमालेले आपत्ति जनाउँदै आएको छ ।

कार्यक्रममा गृहमन्त्री रामबहादुर थापाले सवै किसिमका सिन्डिकेट तोड्न सरकार लागि रहेको बताएका थिए । उनले देश सिण्डीकेट, माफियातन्त्र, र गुण्डागर्दीले तहसनहस भएको भन्दै त्यस्ता तत्व र क्रियाकलापलाई निस्तेज पार्न सरकारले कुनै कसर बाँकी नराख्ने बताए । कार्यक्रममा नेता नारायणकाजी श्रेष्ठको पनि सहभागिता रहेको थियो ।

प्रतिक्रिया दिनुहोस
कांग्रेस महासमितिले पारित गर्‍यो गठबन्धन नगर्ने प्रस्ताव

    नेपाली कांग्रेसको जारी महासमिति बैठकमा पेश गरिएका चार वटा प्रस्तावहरु सर्वसम्मतिले

कांग्रेस महासमिति बैठकमा नाराबाजी

    नेपाली कांग्रेसको महासमिति बैठकमा नाराबाजी भएको छ । गण्डकी र बागमती

हिन्दुराष्ट्रको अभियानमा एक हजार ६१ जना महासमिति सदस्यको हस्ताक्षर

    नेपाली कांग्रेसका नेताहरुबाट सुरु गरिएको वैदिक सनातन हिन्दुराष्ट्र स्थापना अभियानले एक

पुनरावेदनका लागि सन्दीप लामिछाने उच्च अदालतमा

    क्रिकेटर सन्दीप लामिछाने बलात्कार मुद्दामा जिल्ला अदालत काठमाडौंले गरेको फैसलामाथि पुनरावलोकनको