सिन्डिकेटको पक्षमा बन्दमा नचलाउने रुट खारेज गरिएका माइक्रोबसलाई ५ हजार जरिवाना
गत शुक्रबार यातायात व्यवसायीको आन्दोलनका क्रममा रुट परमिट खारेज गरिएका नयाँ बसपार्कदेखि पुरानो बसपार्कसम्म चल्ने २६ वटा माइक्रोबसलाई ५ हजार रुपैयाँ जरिवाना तिराई सरकारले कारबाहीमुक्त गर्ने भएको छ। २६ वटै माइक्रोबसलाई पाँच/पाँच हजार रुपैयाँ जरिवाना तिराई कारबाहीमुक्त गरिने भएको हो।
यातायात व्यवस्था विभाग स्रोतका अनुसार रुट परमिट खारेज भएका माइक्रोबसलाई जरिवाना तिराई कारबाहीमुक्त गरिने भएको हो।
यातायात व्यवस्था विभागले शुक्रबार सिन्डिकेट पक्षधरलाई साथ दिँदै गाडी नचलाएपछि एस फाइभ समितिमा आवद्ध २६ वटा माइक्रो बसको रुट परमिट खारेज गरेको थियो।
