ओली सरकारलाई बजेटको चटारो,सातै प्रदेशका अर्थ मन्त्री संग छलफल गर्दै युवराज खतिवडा
सातै प्रदेशका आर्थिक मामिला तथा योजना मन्त्रीसँग संघीय सरकारका अर्थमन्त्री डा. युवराज खतिवडाले सोमबारल छलफल गर्दैछन् ।
नयाँ आर्थिक वर्षको बजेटको तयारीमा रहेका अर्थमन्त्री डा. खतिवडाले त्यसकै पेरिफेरिमा रहेर सातै प्रदेशका अर्थमन्त्रीहरुसँग छलफल गर्न लागेका हुन् ।
प्रदेश अर्थमन्त्रीहरुले छलफलमा संघीय सरकारका अर्थमन्त्री डा. खतिवडासँग केन्द्रले प्रदेश सरकारलाई दिने बजेटको सिलिङ बढाउन आग्रह गर्ने तयारी छ ।
नयाँ आर्थिक वर्षको बजेटको तयारीमा रहेका अर्थमन्त्री डा. खतिवडाले हरेक प्रदेशले केन्द्रबाट १५ अर्ब रुपैयाँ पाउने व्यवस्था गर्ने प्रस्ताव गरेका छन् ।
तर सबैजसो प्रदेशका मुख्यमन्त्री र प्रदेश अर्थमन्त्रीले भने डा. खतिवडाले प्रस्ताव गरेको बजेट निकै कम भएको र त्यसले जनताले अपेक्षा गरे अनुसारको विकास सम्भव नरहेको बताएका छन् ।
