मोदीलाई टुँडीखेलमा फनफनी घुमाउने यस्तो छ ओली सरकारको तयारी
भारतीय प्रधानमन्त्री नरेन्द्र मोदीको आसन्न नेपाल भ्रमणका क्रममा काठमाडौं महानगरपालिकाले पनि नागरिक अभिनन्दन गर्ने भएको छ। परराष्ट्र मन्त्रालयद्वारा शुक्रबार जारी प्रेस विज्ञप्ति अनुसार जनकपुर उपमहानगरपालिका र काठमाडौंमा उनको अभिनन्दन हुन लागेको हो।
यसैगरी, भारतीय प्रधानमन्त्री मोदी र नेपालका प्रधानमन्त्री केपी शर्मा ओलीले संयुक्त रुपमा अरुण तेस्रोको शिलान्यास गर्ने परराष्ट्र मन्त्रालयले जनाएको छ।
मोदीको सम्मानमा उनी नेपाल आएकै दिन वैशाख २८ मा टुँडीखेलमा गार्ड अफ अनर दिइने कार्यक्रम छ।
भ्रमणका क्रममा मोदीले राष्ट्रपति विद्यादेवी भण्डारी, उपरराष्ट्रपति नन्दबहादुर पुन, प्रधानमन्त्री ओली र परराष्ट्रमन्त्री प्रदीप ज्ञवालीसँग भेटवार्ता गर्नेछन्।
वैशाख २८ मा बिहारको पटनाबाट हेलिकप्टरमा जनकपुर हुँदै उनी नेपाल आउन लागेका हुन्। सोही दिन उनी मुक्तिनाथको दर्शन गर्न समेत जाने कार्यक्रम छ।
