गोरे र एसएसपी श्यामबहादुर खत्रीको गाडीबाट ओसारिन्थ्यो विमानस्थलबाट तस्करीको सुन, अरु को को थिए



चुडामणि उप्रेती ‘गोरे’ र भुजुङ गुरुङ समूहको तस्करीको सुन पास गराउन त्रिभुवन अन्तर्राष्ट्रिय विमानस्थलका तत्कालिन प्रहरी प्रमुखसहितका प्रहरी अधिकारीकै प्रत्यक्ष संलग्नता रहेको भेटिएको छ । सुन तस्करीको आरोपमा पक्राउ परेका ७ प्रहरी मध्ये प्रहरी जवान विष्णुबहादुर खड्काले तस्करीमा आफ्नो संलग्नता मात्रै स्वीकार गरेनन्, तत्कालिन विमानस्थलका अन्य प्रमुख अधिकारीको पोल पनि खोलेका छन् । खड्का एसएसपी खत्री डिएसपी हुँदादेखि नै उनको सवारी चालकको रुपमा कार्यरत् थिए ।

 

विमानस्थलका तत्कालिन एसएसपी श्यामबहादुर खत्रीको गाडीमै राखेर उनले तस्करसम्म सुन पुर्‍याउने गरेको समेत स्वीकारेका छन् । खत्रीको निर्देशनमा उनले सुन दाह्रीवाला भनिने मोहन काफ्लेसम्म पुर्‍याउने गरेका थिए ।जसवापत काफ्लेले उनलाई एक पटक ५ हजार रुपैयाँ र अर्को पटक १० हजार रुपैयाँ गरी १५ हजार रुपैयाँ पाएका थिए ।काफ्ले लगायतले त्रिभुवन अन्तर्राष्ट्रिय विमानस्थलबाट सुन तस्करी गर्ने क्रममा उनीहरुले विदेशबाट सुन लिएर इमिग्रेसनसम्म आउने गरेका थिए ।

इमिग्रेसनको छापा लागेपश्चात कहिले एसपी विकासराज खनाल त कहिले डिएसपी सञ्जयबहादुर राउतले उनीहरुलाई इस्कर्ट गरेर सिधै डिआईजी गोविन्दप्रसाद निरौला र एसएसपी श्यामबहादुर खत्रीको कार्यकक्षसम्म पुर्‍याउने गरेको खड्काले बयान दिएका छन् ।

सुन आउने समय डिआईजी निरौला र एसएसपी खत्रीले आफ्नो कार्यकक्षमा कुरेर बस्ने गरेको पनि उनले बताएका छन् । पछि एसपी विकासराज खनाल प्रहरी प्रधान कार्यालय तानिएपछि डिएसपी राउत र एसएसपी खत्रीले त्यो काम सम्हालेको उनको भनाइ छ ।सुन आउने समयमा एसएसपी खत्रीको बडिगार्ड तत्कालिन प्रहरी जवान अमरबहादुर थापा मगरले समेत अफिस छेउबाट स्कर्टिङ गर्ने गरेको समेत उनले बताएका छन् ।

को हुन् एसएसपी खत्री ?

दुबईबाट आएको ३४ किलो सुन काण्डमा पक्राउ परेका प्रहरी अधिकारी हुन्, खत्री । उनलार्ई प्रहरीको केन्द्रीय अनुसन्धान ब्यूरो (सिआईबी) को टोलीले २३ माघ ०७३ मा प्रहरी प्रधान कार्यालयबाटै पक्राउ गरेको थियो ।

खत्री विमानस्थलको सुरक्षा प्रमुख रहेकै बेला दुबईबाट आएको सुन विमानस्थलबाट बाहिरिएको थियो, जसलाई सीआईबीको टोलीले पक्राउ गरेको थियो ।

अनुसन्धानका क्रमा सुन तस्करहरुसँग एसएसपी खत्रीको सम्वन्ध देखिएको सीआईबीको दाबी थियो ।

खत्रीले श्रीमतीका नाममा सुन पसल दर्ता गरेको सीआईबीको अनुसन्धानले देखाएको थियो । साथै, उनले साडी पसलमा ब्याजमा पैसा लगाएको समेत प्रहरीले पत्ता लगाएको थियो ।

पछि उनी दुई लाख रुपैयाँ धरौटी बुझाएर छुटेका थिए । उनले केही समयअघि मात्र मुद्दामा सफाइ पाएपछि उनको निलम्बन फुकुवा भएको थियो । र, प्रहरी प्रधान कार्यालयमा काम गर्दै आएका थिए ।

प्रतिक्रिया दिनुहोस
सूचना प्रविधि सम्बद्ध निकायको पुनर्संरचना गर्ने सञ्चारमन्त्री गुरुङको पहिलो निर्णय

    नवनियुक्त सञ्चार तथा सूचना प्रविधिमन्त्री पृथ्वीसुब्बा गुरुङले डिजिटल नेपाल फ्रेमवर्कलाई परिमार्जन

सरकारी अस्पतालमा लाइन बस्न नपर्ने बनाउँछौं : प्रदीप पौडेल

    नवनियुक्त स्वास्थ्य तथा जनसंख्यामन्त्री प्रदीप पौडेलले एक महिनाभित्र सरकारी अस्पतालमा सेवा

सरकारको उद्देश्य राजनीतिक स्थायित्व र भ्रष्टाचार नियन्त्रण : गृहमन्त्री

    गृहमन्त्री रमेश लेखकले भ्रष्टाचार नियन्त्रण गरेर सुशासन कायम गर्न सरकारले प्राथमिकताका

प्रधानमन्त्री ओलीद्धारा पदभार ग्रहण

    नेकपा एमालेका अध्यक्ष केपी शर्मा ओलीले प्रधानमन्त्रीको पद सम्हालेका छन् ।