४ अर्व २७ करोडको लागतमा यस्तो बन्दैछ धरहरा(हेर्नुहोस् भिडियो)

प्रधानमन्त्री केपी शर्मा ओलीले म बनाउछु मेरै धरहराको उद्घाटन गरे लगतै धरहरा निर्माणको कार्य अगाडि बढेको छ । झण्डै ४ अर्ब २७ करोडमा बन्न लागेको धरहराको मुल भाग निर्माणका लागि १ अर्ब १२ करोड लाग्नेछ भने हुलाकी सेवा विभागमा निर्माण हुने अण्डरग्राउण्ड बेसमेन्टको निर्माण लागत ७५ करोड लागत लाग्ने जनाइएको छ । बाँकी लागत भने वाटर फाउण्टेन, म्युजियम, गार्डेनको निर्माणमा लाग्नेछ । पुरातत्व विभाग र राष्ट्रिय पुननिर्माण प्राधिकरणको सुपरिवेक्षणमा केज कन्सल्टले नयाँ धरहराको डिजाइन तयार पारेको छ ।

धरहरा पुननिर्माण भने राष्ट्रिय पुननिर्माण प्राधिकरणले नै गर्ने जनाइएको छ । ४२ रोपनी जमिनमा निर्माण हुने धराहराको निर्माण ठेक्का लागेको मितिले २ बर्षभित्रै सम्पन्न गर्ने लक्ष्य निर्धारण गरिएको पुरातत्व विभागका इञ्जिनियर प्रेमराज पोखरेलले जानकारी दिए । बाहिरबाट २२ तल्लाको देखिने धरहरा १४५ फिट अग्लो हुनेछ । धरहरामा २ वटा लिफ्न राखिएका हुनेछन् । एउटा लिफ्टले ८ जनालाई धरहरा चढाउने छ भने अर्कोले ८ जनालाई ओराल्ने छ । हालसम्म धरहरा पुर्ननिर्माणका लागि २४ करोड संकलन भइसकेको छ ।

https://www.youtube.com/watch?v=FbtO2SylnQQ