सत्ता च्युत भए पछी र जनताको नजरबाट गिरेर साढे २ वर्षपछि कांग्रेसले भारतले नाकाबन्दी गरेको यसरी स्वीकार्यो
नेपाली कांग्रेसका सभापति शेरबहादुर देउवाले भारतीय नाकाबन्दीको बारेमा खुलेरै विरोध गर्ननसक्दा निर्वाचनमा पार्टीले पराजय भोग्नुपरेको बताएका छन् । साढे २ वर्ष अघि भारतले नेपालमाथि लगाएको नाकाबन्दीका विषयमा कांग्रेसले सामना गर्न र नाकाबन्दी नै हो भन्न नसक्दा निर्वाचनमा जनमत घटेको दाबी गरेका हुन् ।
आईतबार साँझ कांग्रेस केन्द्रीय कार्यसमितिको बैठकलाई सम्बोधन गर्दै सभापति देउवाले साढे २ वर्षअघि भारतले लगाएको नाकाबन्दीका विषयमा कांग्रेसले खुलेर विरोध गर्न नसकेको बताए ।
भारतको नाकाबन्दीलाई ठूलो स्वरमा नाकाबन्दी नै हो भनेर विरोध गर्नबाट पार्टी चुक्दा तीन वटा निर्वाचनमा पार्टीले पराजय भोग्नुपरेको देउवाको दाबी छ । देउवाले भने, ‘ भारतले लगाएको नाकाबन्दीलाई हामीले नाकाबन्दी नै हो भनेर भन्न सकेनौ र विरोध गर्न सकेनौं । त्यसको असर चुनावमा देखियो। जनमत घट्यो।’
