प्रधानमन्त्री ओलीले सिंहदरवार भित्र मोबाइल नचल्ने बनाए,मोबाइल जामरको यसरी गरियो प्रयोग



तपार्ईं मोबाइल फोन बोकर सिंहदरवार या भीभीआईपी सहभागी कार्यक्रममा जाँदै हुनुहुन्छ ?

जाँदैहुनुहुन्छ भने तपार्ईंले बोकेको मोबाइलबाट जतिबेला पायो त्यतिवेला फोन सम्पर्क नहुन पनि सक्छ ।

हो, सिंहदरवार या बालुवाटारमा क्याविनेटलगायतका महत्वपूर्ण बैठक बस्दा ‘जामर’ प्रयोग गर्न थालिएको छ ।

‘जामर’ प्रयोग भएपछि निश्चित क्षेत्रमा मोबाइल फोन सम्पर्क हुँदैन ।

नेपाल टेलिकमको अनुमतिमा यो प्रविधि प्रयोग गर्न सकिन्छ ।

यहि कारण शुक्रबार सिंहदरवारस्थित प्रधानमन्त्रीको कार्यलय र आसपासमा २ घण्टा मोबाइलमासम्पर्क हुन सकेन ।

प्रधानमन्त्रीको कार्यालय र त्यसको ५० मिटर वरपर शुक्रबार बिहान १० बजेदेखि १२ बजेसम्म मोबाइल फोन सम्पर्क नभएपछि यसको रहस्य खुलेको हो ।

शुक्रबार विहान नौ बजे मन्त्रिपरिषद बैठक बोलाइएको थियो ।

तर, बैठक १० बजेमात्रै सुरु भयो । ‘जब मन्त्रिपरिषद बैठक सुरु भयो त्यसपछि फोन लाग्दैलागेन, किन हो भनेर सोध खोज गर्दा कसैले पनि बताएनन्’ रिपोर्टिङमा गएका पत्रकारले सुनाए ।
सूचना चुहिने भन्दै प्रधानमन्त्री कार्यलयकै योजनामा महत्वपूर्ण बैठकबस्दा ‘जामर’ लगाउने गरिएको स्रोतले बतायो ।

गृहप्रवक्ता रामकृष्ण सुवेदीले भीभीआइपीको मुभमेन्ट हुँदा निश्चित क्षेत्रमा ‘जामर’ प्रयोग हुने गरेको स्वीकारे ।

उनले हाल मात्रै नभएर पहिल्यैबाट त्यस्ता स्थानमा जामर प्रयोग हुने गरेको दाबी पनि गरे ।

उनले भने ‘अहिलेमात्र होइन, भीभीआईपीको मुभमेन्ट भएका बेला पहिलेदेखि नै जामर प्रयोग हँुदै आएको हो, त्यो आवश्यक्ता अनुसार प्रयोग गर्ने गरिन्छ ।’
यद्यपी प्रवक्ता सुवेदीले यस्तो दावी गरेपनि यसअघि सिंहदरवारमा क्याविनेट बस्दा मोवाइल सम्पर्कमा समस्या आएको गुनासो उठेको थिएन् ।

के हो मोबाइल जामर ?

मोबाइल फोन जामरले मोबाइल फोनले उत्सर्जन गर्ने बराबरको रेडियो फ्रिक्वेन्सी उत्सर्जित गर्दछ ।

यसका कारण मोबाइल फोन र मोबाइलको आधार स्टेशनकाबीचको सञ्चार टुट्छ जसले गर्दा जामरको रेन्जमा रहेका सबै मोबाइल फोनहरु अबरुद्ध हुनेगर्छन् ।

जामरलाई जुनसुकै स्थानमा पनि राख्न सकिन्छ । तर, विशेष गरेर ती स्थानमा राखिन्छ जहाँ हुने कामको प्रकृति मोबाइल कलले अबरोध पुराउने खालको हुन्छ ।

जामरले आधिकारिक मोबाइल सेवालाई अबरोध पु¥याउने भएकाले लाइसेन्स नलिइकन जामरको प्रयोगलाई धेरै देशहरुमा अपराध मानिन्छ ।

प्रयोगमा हुँदा यस्तो उपकरणले इमरेन्जी सेवालाई पनि अवरोध पु¥याउँछ ।

प्रतिक्रिया दिनुहोस
शर्मिला वाइबालाई चार दिन हिरासतमा राख्न अनुमति

    आफूलाई अभियन्ता बताउँदै व्यक्तिगत विषयहरुमा सामाजिक सञ्जालमार्फत टिप्पणी गर्ने शर्मिला वाइबालाई

सरकारको आफ्नै काम कारबाहीप्रति प्रधानमन्त्रीको असन्तुष्टि

    अर्थमन्त्री डा.प्रकाशशरण महतसँगको खटपटको चर्चाबीच प्रधानमन्त्री पुष्पकमल दाहाल प्रचण्डले आफैँले किटान

दूधको भुक्तानी दे, किसान मार्न पाइँदैन भन्दै कृषिमन्त्रीको राजीनामा माग

    किसानहरूले लुम्बिनी प्रदेशका विभिन्न जिल्लामा कृषिमन्त्रीको राजीनामा मागसहित चक्काजाम गरेका छन्

परिस्थिति जटिल र चुनौतीपूर्ण छ : प्रधानमन्त्री प्रचण्ड

  प्रधानमन्त्री पुष्पकमल दाहाल प्रचण्डले आफू नेतृत्वको सरकारले लक्ष्य अनुसार परिणाम दिन नसकेको