भुकम्पले ढलेर ठुटो भएको धरहरालाई साक्षी राख्दै प्रधानमन्त्रीले भने-अब कोदालो खन्छु
प्रधानमन्त्री केपी शर्मा ओलीले भूकम्पले ढलेको शानलाई उठाउन आफू कोदालो खन्न तयार रहेको बताएका छन्। भुकम्प गएको ३ वर्ष पुरा भएको अवसरमा धरहरा क्षेत्रमा आयोजित कार्यक्रममा बौल्दै प्रधानमन्त्री ओलीले अब नवनेपाल निर्माण हुने र त्यसका लागि सबै जनता जुनसुकै काम गर्न तयार रहनुपर्ने बताएका हुन्।
ओलीले भने, ‘भुकम्पले ढालेको हाम्रो शानलाई स्वाभिमानसाथ उठाउनु छ। त्यसका लागि म कोदालो खन्न तयार छु। खर्पन र डोकोमा इँटा बोक्न पनि तयार छु। हामी जहाँ छौं, त्यहिँबाट नव–निर्माणमा जुटौं।’
प्रधानमन्त्री ओलीले समृद्ध नेपाल निर्माणमा आफूले नेतृत्व गर्ने र अन्य जनताको साथ हुनुपर्ने भन्दै पुनःनिर्माणमा सहयोग गर्न सबैलाई आग्रह गरे।
