३३ किलो सुन काण्डका मतियार पूर्व आइजी प्रकाश अर्याल पनि आज खोरमा जाकिदै,यस्तो फेला पर्यो उनको धन्धा



३३ किलो सुन तस्करी प्रकरणमा पूर्वडिआईजी गोविन्द निरौला पक्राउ परेपछि तस्करहरुसँग ‘दोस्ती’ भएका अन्य प्रहरी अधिकारीहरु जागिर जोगाउन दौडधुपमा लागेका छन्। निरौलापछि छानबिन समितिले अन्य प्रहरी अधिकारीहरुसँग सोधपुछको तयारी गरेको छ। र निरौला संगै अवकाश पाएका आइजी प्रकाश अर्याललाई पनि आज अबेर सम्ममा पक्राउ गरेर बयान लिने अन्तिम तयारी भईरहेको श्रोतले बताएको छ।

तस्करीका नाइके चुडामणि उप्रेती ‘गोरे’ सँग दर्जन बहालवाला प्रहरी अधिकारीको संलग्नता देखिएको स्रोत बताउँछ। सम्बन्ध देखिएका सबैलाई छानबिन समितिले सोधपुछका लागि पत्र लेखिसकेको छ।

११ दिनअघि मात्र अवकाश पाएका निरौलालाई छानबिन समितिले आइतबार थुनामा राखेको छ। उनलाई सोमबार जिल्ला प्रहरी कार्यालय मोरङ लैजाने तयारी भएको स्रोत बताउँछ। अनुसन्धानको क्रममा उनको उप्रेतीसँग निकटता देखिएको थियो। साथै केही व्यक्तिले बयानका क्रममा उनलाई पोलेका छन्।

एसएसपीहरु श्याम खत्री, प्रेम चन्द लगायत अन्य प्रहरी अधिकारीहरुलाई समेत छानबिन समितिले सोधपुछका लागि पत्राचार गरिसकेको छ।

चिनजान मात्र होः निरौला

निरौलाले भने उप्रेतीसँग आफ्नो चिनजान मात्र भएको र तस्करीमा सहयोग नगरेको दाबी गरेका छन्। ‘उ मेरो साथीको छोरा हो,’ उनले बयानमा भनेका छन्,‘पारिवारिक चिनजानको आधारमा मात्र उसँग भेटघाट हुने हो।’

स्रोतका अनुसार तस्करीमा सघाएको प्रमाण समेत भेटिएकाले उनलाई म्याद संगठित अपराधमा म्याद थप गरी कारबाही गर्न लागिएको हो। र निरौलाले गरे जस्तै अपराध प्रकाश अर्यालले पनि गरेको श्रोत बताउछ।

दोस्रो चरणको अनुसन्धान सुरु

गृह मन्त्रालयका सहसचिव ईश्वरचन्द्र पौडेल नेतृत्वको छानबिन समितिले दोस्रो चरणको अनुसन्धान थालेको छ। दोस्रो चरण अन्र्तगत तस्कर समूहलाई सघाउने प्रहरी लगायत व्यक्तिहरुमाथि अनुसन्धान सुरु भएको हो। गोरेले दर्जनौं प्रहरी अधिकारीहरुलाई महंगो उपहार दिने र बाजेको सेकुवा रेष्टुरेन्टमा बोलाएर भोज दिने गरेका थिए। बाजेको सेकुवा उनकै आफन्त चेतन भण्डारीको हो। भण्डारीमाथि पनि छानबिन समितिले सम्पती रोक्का राखी छानबिन अघि बढाएको छ।

उप्रेतीसँग चिनजान भएकामध्ये धेरै प्रहरीले उनलाई तस्करीमा सघाएको हुनसक्ने स्रोत बताउँछ। केही प्रहरी अन्य समूहको सुन तस्करीको सूचना दिएर पनि नजिक हुने गरेका थिए।

उनकै तस्करीको ३३ किलो सुन हराएपछि एकान्टेन्टका रुपमा काम गर्ने सनम शाक्यको फागुन १८ गते हत्या भएको थियो। सो घटनालाई पनि उनले चिनजानका प्रहरी प्रयोग गरी मिलाउन खोजेका थिए। पछि गृहमन्त्रालयमा उजुुरी परेपछि उनको गिरोहको पर्दाफास भएको हो। उनले विमानस्थलस्थित एयलरलाइन्सका कर्मचारी, प्रहरी र भन्सार कर्मचारीसँग सेटिङ मिलाएर विगत ५ वर्षदेखि सुन तस्करी गर्दै आएका थिए।

प्रतिक्रिया दिनुहोस
शर्मिला वाइबालाई चार दिन हिरासतमा राख्न अनुमति

    आफूलाई अभियन्ता बताउँदै व्यक्तिगत विषयहरुमा सामाजिक सञ्जालमार्फत टिप्पणी गर्ने शर्मिला वाइबालाई

सरकारको आफ्नै काम कारबाहीप्रति प्रधानमन्त्रीको असन्तुष्टि

    अर्थमन्त्री डा.प्रकाशशरण महतसँगको खटपटको चर्चाबीच प्रधानमन्त्री पुष्पकमल दाहाल प्रचण्डले आफैँले किटान

दूधको भुक्तानी दे, किसान मार्न पाइँदैन भन्दै कृषिमन्त्रीको राजीनामा माग

    किसानहरूले लुम्बिनी प्रदेशका विभिन्न जिल्लामा कृषिमन्त्रीको राजीनामा मागसहित चक्काजाम गरेका छन्

परिस्थिति जटिल र चुनौतीपूर्ण छ : प्रधानमन्त्री प्रचण्ड

  प्रधानमन्त्री पुष्पकमल दाहाल प्रचण्डले आफू नेतृत्वको सरकारले लक्ष्य अनुसार परिणाम दिन नसकेको