ओली सरकारले तातो पुन्यूले डाम्ने सुइको पाए पछी डेढ अर्ब घोटाला गरेका गोपाल खड्का अमेरिका भास्सिए
तेल भण्डारणका लागि झापाको मेचीनगर, सर्लाहीको हरिपुर, चितवनको लोथर र रुपन्देहीको बसन्तपुरमा जग्गा खरिद गर्दा डेढ अर्ब रुपैयाँ अनियमितता गरेको मुद्दा खेप्दै आएक आयल निगमका कार्यकारी निर्देशक गोपाल खड्का अमेरिका पलायन भएका छन् ।
महालेखा परीक्षकको ५५ औं प्रतिवेदनमा ६१ करोड ३४ लाख कर छुट दिएको बिषयमा पनि उनले उन्मुक्ति नपाउने भएपछि उनी अमेरिका पलायन भएका छन् । डेढ अर्ब भ्रष्टाचार अभियोगमा सरकारले उनलाई बर्खास्त गरे पनि तात्कालीन प्रधानन्यायाधीश गोपाल पराजुलीले उनलाई पुनर्वहाली गर्न आदेश दिएका थिए । तर आपूर्ति मन्त्रालयका तत्कालीन सचिव कृष्ण देवकोटाले उनलाई निगमबाट मन्त्रालयमा हाजिर गराएका थिए ।
मन्त्रालयमा हाजिर गराएपछि उनी पुनः निगममा हाजिर हुनका लागि प्रधानमन्त्री केपी शर्मा ओलीकोमा पटक पटक पुगे । ओलीको जन्मदिनमा उनी बालुवाटारमै पुगेको समाचार पनि आयो । ओलीकोमा उनलाई लाने बीचौलियाहरुले धेरै रकम खाइदिए पनि हाजिर नगराएपछि उनी अमेरिका पलायन भएका छन् । दीप बस्न्यातले अख्तियारको उजुरी तामेलीमा राख्ने भने पनि राख्न नसकेपछि उनी निराश भएका थिए ।
उनले अमेरिकामा गएपछि भाइ विनोद खड्कासंगको फोटो सार्वजनिक गरेका छन् । उनका भाइ विनोद खड्का नेपाल प्रहरीको इन्स्पेक्टरको जागिर छाडेर अमेरिकामा बस्दैआएका छन् ।
