४ जुवा अखडामा प्रहरीको छापा,यी ३० जनाको हातमा प्रहरीले यसरी बाध्यो सिक्री
शनिबार प्रहरीले काठमाडौंका ४ जुवा अखडामा छापा हानेको छ। चार ठाउँबाट ३० जना जुवाडे पक्राउ परेका छन्।
टोखा नगरपालिका–१३ जलविनायक चोक स्थित तिलक सुनुवारको घरमा जुवातास खेलिरहेका सुनुवार समेत ६ जनालाई प्रहरीले शनिबार पक्राउ गरेको छ। उनीहरुबाट ५२ हजार ३ सय ९० रुपैयाँ तथा ईण्डोनेसियन डलर १५ हजार, कोरियन डलर ११ हजार, ईराकी डलर १ हजार, बंगलादेशी डलर ७७ र ४ चिनिया युआन बरामद भएको प्रहरीले जनाएको छ।
चन्द्रागिरी नगरपालिका–१३ नैकापमा जुवातास खेलिरहेका सोही ठाउँ बस्ने २८ वर्षीय रामकृष्ण शाही सहित ११ जनालाई नगद ५५ हजार ६ सय ५ रुपैयाँ सहित शनिबार प्रहरीले पक्राउ गरेको छ।
काठमाडौं महानगरपालिका–१३ कालिमाटी टंकेश्वर डेरा गरी बस्ने रामेछाप सुनाकोठी गाउँपालिका–२ घर भएका ३५ वर्षीय रामबहादुर खड्काको डेरा कोठामा जुवातास खलिरहेका खड्का समेत ९ जनालाई शनिबार प्रहरीले नगद ३८ हजार १ सय ६० रुपैयाँ र ६ बुक तास सहित पक्राउ गरेको छ।
उता महानगरपालिका–१४ कलंकी मकालु पेट्रोलपम्प अगाडि खाली जग्गामा जुवातास खेलिरहेका ४ जना पनि पक्राउ परेका छन्। नुवाकोट सूर्यगढी गाउँपालिका–५ घर भई टेकु बस्ने ३२ वर्षीय सूर्यबहादुर बोगटी समेत ४ जनालाई नगद १३ हजार १ सय रुपैयाँ र १ बुक तास सहित शनिबार प्रहरीले पक्राउ गरेको हो।
