दिनहुँ सुन तस्करी,आज पनि पेटीमा लुकाएर १२ लाख मुल्यको सुन यसरी भयो तस्करी
तस्करीको सुनसहित त्रिभुवन अन्तर्राष्ट्रिय विमानस्थलमा भारतीय नागरिक पक्राउ परेका छन्।
दुबईबाट फ्लाइ दुबईको एफजेड ५७५ नम्बरको उडानबाट नेपाल आएका राहदानी नम्बर जे९७७३००४ वाहक भारतीय नागरिक ३० वर्षीय महेश रामचन्द्र देवकालाई प्रहरीले सुनसहित पक्राउ गरेको हो। उनले कम्मरमा बाँधेको कपडाको पेटीमा लुकाएर २ हजार ७ सय ग्राम सुन तस्करीको प्रयास गरेका थिए। बरामद सुनको मूल्य करिब १२ लाख रुपैयाँ पर्छ।
बिहीबार मात्र एक भारतीय ६० तोला अवैध सुनसहित विमानस्थलबाटै पक्राउ परेका थिए।
दुबईमा भन्दा नेपालमा एक तोलामा १० हजारसम्म नाफा हुने भएकाले यसरी तस्करी हुने गरेको छ।
