मालिन्दो एयरको विमान दुर्घटना, दिउँसो १२ बजेसम्मका लागि अन्तर्राष्ट्रिय उडान बन्द
मालिन्दो एयरको जहाज दुर्घटना भएपछि नेपालको एकमात्र अन्तर्राष्ट्रिय त्रिभुवन विमानस्थल शुक्रबार बिहान पनि अवरुद्ध भएको छ । विदेशबाट यात्री लिएर आएका विमानहरु फर्काइएका छन् ।
विहीबार राति काठमाडौंबाट मलेसियाको क्वालालम्पुरतर्फ उड्न लागेको मालिन्दो एयरको जहाज रनवेबाट चिप्लिएर चौरमा भासिएपछि अन्तर्राष्ट्रिय उडान अवतरण ठप्प भएको हो ।
रनवेबाट चिप्लिएर चौरमा पुगे पनि मानवीय क्षति भने भएको छैन । विमान नहटाइएसम्म अन्य उडान अवतरणमा कठिनाइ भएको विमानस्थल स्रोतले अनलाइनखबरलाई बतायो ।
अाज दिउँसो १२ बजेसम्म अन्तर्राष्ट्रिय उडान र अवतरण बन्द गरिएकाे विमानस्थल प्रशासनले जनाएकाे छ
तत्कालका लागि अाज दिउँसो १२ बजेसम्म अन्तर्राष्ट्रिय उडान र अवतरण बन्द गरिएकाे विमानस्थल प्रशासनले जनाएकाे छ ।
रातिदेखि नै मालिन्दोको जहाजलाई हटाउने प्रयास भइरहेको छ । तर, शुक्रबार बिहान पनि हटाउन सकिएको छैन । यसलाई हटाउन केही घण्टा लाग्ने भएकाले उडान अवतरण रोकिएकाे हाे ।
सकेसम्म १२ बजेदेखि उडान सुचारू गर्ने प्रयास भइरहेकाे विमानस्थल प्रशासनकाे भनाइ छ ।
नेपालमा उपलब्ध उपकरण र प्रविधिकाे प्रयोगबाट विमान पन्छाउन नसकिएमा भारतबाट उपकरण ल्याउनुपर्ने हुनसक्ने स्रोतले जानकारी दिएकाे छ ।
यसअघि टर्कीस एयरकाे विमान पन्छाउन भारतबाट उपकरण र प्राविधिकहरू झिकाइएकाे थियो ।
देशको एक मात्रै अन्तर्राष्ट्रिय विमानस्थल त्रिभुवन अन्तर्राष्ट्रिय विमानस्थलमा बिहीबार राति मालिन्दो एयरको विमान दुर्घटनापछि आवागमन अबरुद्ध भएको छ । विमान धावनमार्गमा धसिँदा विदेशबाट यात्रु लिएर आएका विमान फर्काइएका छन् भने तय भएका उडान अन्योलमा परेको छ ।
रन वेबाट चिप्लिएर चौरमा पुगे पनि मानवीय क्षति भने भएको छैन । तर, विमान नहटाइएसम्म अन्य उडान अवतरणमा कठिनाइ भएको विमानस्थल स्रोतले अनलाइनखबरलाई बतायो ।
गएरातिदेखि नै मालिन्दोको जहाजलाई हटाउने प्रयास भइरहेको छ । तर, शुक्रबार बिहान पनि हटाउन सकिएको छैन । विमानस्थल स्रोतका अनुसार, यसलाई हटाउन अझै केही घण्टा लाग्ने छ । उडान ठप्प हुँदा सयौं यात्रु अलपत्र परेका छन् ।
