पुलिस रिपोर्ट अब कालिमाटी र गौशाला वृत्तमा पनि पाइने
प्रहरीले शुक्रबारबाट महानगरीय प्रहरी वृत्त कालिमाटी र गौशालाबाट समेत चालचलन प्रमाणपत्र (पुलिस रिपोर्ट) वितरण तथा संकलनगर्ने भएको छ।
हाल प्रमाण पत्रको लागि आवश्यक निवेदन प्रहरी प्रधान कार्यालय चालचलन शाखा वा रानीपोखरी, महाराजगञ्ज, भक्तपुर, ललितपुर, १ प्रदेश प्रहरी कार्यालय, विराटनगर, ३ प्रदेश प्रहरी कार्यालय, हेटौंडा, ४ प्रदेश प्रहरी कार्यालय, पोखरा, संघीय प्रहरी इकाई कार्यालय, नेपालगञ्ज र ७ प्रदेश प्रहरी कार्यालय, अन्तर्गत संघीय प्रहरी इकाई कार्यालय, धनगढी उपशाखाहरूमा रहेकोमा काठमाडौंका दुई वृत्तमा थप गरिएको हो।
प्रहरी प्रवक्ता डिआइजी मनोज नेउपानेले वितरण प्रणालीलाई सहज र सर्वसाधारणको सुविधाका लागि दुई वृत्तमा थप गरिएको बताए। उनले आवश्यकता अनुसार वितरण तथा संकलन केन्द्र थपिँदै जाने पनि बताए। सबैलाई जानकारी दिन शेयर पनि गरौ।
