अख्तियार दुरुपयोग अनुसन्धान आयोगको टोलीले विद्युत् प्राधिकरण जलेश्वरमा कार्यरत दुई कर्मचारीलाई घुससहित पक्राउ गरेको छ ।
प्राधिकरणको तृतीय तहमा कार्यरत लालबावु पण्डित र चौथो तहमा कार्यरत बाबुसाहेव सिंहलाई बुधबार आयोगको टोलीले पक्राउ गरेको हो ।
विद्युतीय मिटरका लागि सेवाग्राहीसँग लिएको ३० हजार घुससहित उनीहरुलाई पक्राउ गरिएको अख्तियारको बर्दिबास सम्पर्क कार्यालयले जनाएको छ ।

गोली गठ्ठासहित मकवानपुरबाट जोकर तामाङ पक्राउ

मकवानपुर प्रहरीले हात हतियार र गोली गठ्ठासहित एकजनालाई पक्राउ गरेको छ ।  विहिबार मकवानपुरको हेटौडा उपमहानगरापलिकास्थित लोकमार्गको लेवट भन्ने स्थानबाट मकवानपुरकै जम्बो चौताराका अनिल भन्ने जोकर तामाङलाई प्रहरीले पक्राउ गरेको हो ।

उनको साथबाट ३ थान कटुवा पेस्तोल, नलकटुवा पेस्तोलमा फिट हुने गोली ११ थान, ३०३ राइफलको गोली १, सुतली बम एकथान र नेपाल प्रहरीको एकथान चुस्ता बरामद गरेको हो । सवारी चेकजाँचमा खटिएको प्रहरी टोली देखेपछि तामाङ सवार सवारी साधनबाट झरेर भाग्न खोजेपछि प्रहरीले उनलाई पिछा गरेर पक्राउ गरेको जिल्ला प्रहरी कार्यलयका प्रहरी नायव उपरीक्षक दिलिप झाले जनाएका छन् ।