नयाँ आइजिपी बारे गलफत्ती चल्दै,क्याबिनेट आज बसे पनि गृह सचिबको यस्तो आयो कुरा

हाम्रो इकोनोमि

नेपाल प्रहरीको नयाँ नेतृत्वका बारेमा मंगलबार सरकारले महत्वपूर्ण निर्णय गर्ने सम्भावना छ ।
नयाँ आइजिपी नियुक्तिको विषयमा छलफल गरी निर्णय गर्न मन्त्रीपरिषदको बैठक बस्दैछ । ३० वर्षे सेवा अवधिका कारण अहिलेका आइजिपी प्रकाश अर्यालले अवकार पाउँदै छन् ।
यहि कारण सरकारले मंगबार नै नयाँ आइजिपीका बारेमा निर्णय गर्ने सम्भावना छ । नयाँ आइजिपीका लागि सवेन्द्र खनाल, रमेश खरेल र पुष्कर कार्कीको चर्चा छ ।

बुधबार मध्यरातबाट दुबै संगठनका महानिरीक्षक अनिबार्य अवकाशमा जाने भएपनि गृहमन्त्रालयमा यो बिषयमा छलफल हुन सकेको छैन।

गृह सचिव प्रेमकुमार राईले महानिरीक्षक चयनको बिषय बुधबारमात्र टुङगिने बताए।
मंगलबार विहान साढे नौ बजे बालुवाटारमा बस्ने मन्त्रिपरिषद् बैठकले महानिरीक्षक चयन गर्ने बताईएपनि गृहबाट प्रत्यासीको टिप्पणी उठाउने सचिवबाटै बुधबारसम्मको डेटलाईन आएको हो।

गृहस्रोतका अनुसार सोमबार पदभार ग्रहण गरेका सचिव राईले दुबै संगठनका महानिरीक्षक प्रत्यासीको विवरण भने मगाएका छन।

नेपाल प्रहरीबाट डिआईजीत्रय सर्वेन्द्र खनाल, रमेशप्रसाद खरेल र पुष्कर कार्की तथा सशस्त्रबाट शैलेन्द्र खनाल र पुष्पराम केसीमध्ये एक एक जना महानिरीक्षक चयन हुनेछन।