राजनीतिका चतुर खेलाडी प्रचण्डले यसरी खेले टेबुल टेनिस,हेर्नुहोस उनको बेजोड कला भिडियोमा
पूर्व प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’ आफुले टेबुल टेनिस खेलेको कुरा विश्वभरि प्रचार भएको भन्दै टेबुल टेनिस खेलेर देखाएका छन्।
अन्तराष्ट्रिय टेबुल टेनिस दिवसको अवसरमा टेबल टेनिस एशोसिएशन ललितपुरले आयोजना गरेको कार्यक्रमलाई सम्बोधन गर्दै अध्यक्ष प्रचण्डले खेलकूदको विकासले राष्ट्रको पहिचान स्थापित हुने समेत बताएका हुन्।
अध्यक्ष प्रचण्डले आफू हाइस्कूलमा पढ्दा फुटबल, हाइस्कुल सकेपछि भलिबल र बिएस्सी पढ्दा टेबुल टेनिस खेल्न थालेको अहिले पनि टेबुल टेनिस खेल्ने गरेको बताए। ‘मैले रामपुरमा बिएस्सी पढ्दै गर्दा टेबुल टेनिस सिकेको हो। र, शान्ति सम्झौतापछि मैले नियमित टेबुल टेनिस खेल्न थालेको पनि १०/१२ वर्ष हुन लाग्यो’
कार्यक्रमलाई सम्बोधन गर्दै आफुले टेबुल टेनिस खेलेको कुरा विश्वभरि प्रचार भएको र टेबुल टेनिस खेल्दा एशोसिएशनले पिस अवार्ड प्राप्त गरेको सुन्दा विशेष हर्ष र गर्व महशुस भएको समेत बताएका हुन्।
