लाइसेन्स बनाई दिन्छु भनेर ठेक्का लिने दलाललाई प्रहरीले समात्यो,प्रकाउ परेका यी हुन् ९ दलाल
यातायात व्यवस्था कार्यालय बागमती मोटरसाईकल शाखा सतुंगलमा प्रहरीले छापा मारेको छ । कार्यालयबाट प्रहरीले ९ जना बिचौलियालाई पक्राउ गरेको छ ।
काम गरिदिने भन्दै सेवाग्राहीसँग रकम माग्ने गरेको सूचनापछि प्रहरीले हनेको छापामा बिचौलीयाको समुह पक्राउ परेको हो । लाइसेन्स निकालिदिने भन्दै सेवाग्रहीसँग रकम उठाउने उनीहरुलाई महानगरीय प्रहरी प्रभाग बलम्बुबाट खटिएको टोलीले पक्राउ गरेको हो ।
पक्राउ पर्नेमा काठमाडौ वाडभन्ज्याङका सानु कुमार भुर्तेल, रबीन तामाङ, रोशन कार्की, पृथ्वी कार्की, किरण तामाङ रबी शाह, सुनिल महर्जन, अनिल कुमार चौधरी र अशोक कुमार बलामी रहेको प्रहरीले जानकारी दिएको छ।
