बाँसको भाटाले हानेर श्रीमतीको हत्या,श्रीमान विदेशमा श्रीमतीले अर्काको लोग्नेको घाटी रेटेर मारिन्

हाम्रो इकोनोमि

बाँसको भाटाले हानेर खोटाङमा एक वृद्धले आफ्नै श्रीमतीको हत्या गरेका छन् । दिक्तेल रुपाकोट मझुवागढी नगरपालिका–३ बाम्राङस्थित ससुराली घरमा बस्दै आएका हलेसी तुवाचुङ नगरपालिका–१० का ६० वर्षीय मकरध्वज राईले ५० वर्षीया श्रीमती आइसरी राईको हत्या गरेका हुन् ।

घरायसी विवादमा सोमबार साँझ श्रीमान÷श्रीमतीबीच झगडा हुँदा श्रीमानले हानेको बाँसको भाटाले लागेर श्रीमतीको मृत्यु भएको जिल्ला प्रहरी कार्यालय खोटाङका प्रहरी नायब उपरीक्षक लोकदर्शन थापाले जानकारी दिए ।

“श्रीमतीले मादकपदार्थ सेवन गरेकी रहेछन् ।” उनले भने, “मातेको झोँकमा श्रीमानमाथि जाइलाग्दा श्रीमानले बाँसको भाटाले हान्दा उनको मृत्यु भएको खुल्न आएको छ ।”

घटनालगत्तै श्रीमान मकरध्वजलाई नियन्त्रणमा लिएर अनुसन्धान थालिएको प्रहरीले जनाएको छ । मृत आइसरीको शव परीक्षणका लागि राति नै जिल्ला अस्पताल दिक्तेल पु¥याइएको आफन्तले जनाएका छन् ।

यता पुर्वी मकवानपुरको बकैया गाउँपालिका वडा नंबर ७ मा एकजनाको हत्या भएको छ । गएराती बकैया वडा नंबर ७ निवासी सुर्य बहादुर स्याङ्तानको घरमानै हत्या भएको हो ।

गए राती हत्या भएको भन्ने खबर आएपछि बकैया वडा नंबर ३ मा रहेको हात्तिसुडे प्रहरी चौकिबाट गएको प्रहरी साहायक निरिक्षक जयप्रकाश पाण्डेको टोलीले हत्यामा संलग्न भएको भन्दै सुर्यबहादुरकी बुहारी ठुलिमाया स्याङ्तान र नातिनि मनिता स्याङ्तान लाई नियन्त्रणमा लिएको थियो ।

उनीहरुलाई गएराती २ बजेनै जिल्ला प्रहरी कार्यालय हेटौँडा ल्याइएको पाण्डेले बताए । हत्या किन गरिएको भन्ने कारण हालसम्म खुलेको छैन् । हत्या भएका सुर्यबहादुरका ५ जना छोरा रहेका छन् । उनीहरुमध्ये २ जना कामको शिलशिलामा विदेशमा छन भने ३ जना काठमाण्डौँमा रहेको प्रहरीले जनाएको छ । हत्याको आरोपमा पक्राउ परेकी ठुलिमायाको श्रीमान भने विदेशमा रहेका छन् ।