सेनाको ब्यारेकभित्र पोखरीमा डुबेको दुई सेनाको शव भेटियो, घटना शंकास्पद
नेपाली सेनाको पूर्वी पृतना मुख्यालय इटहरी अन्तर्गत रहेको सबुज गणमा कार्यरत दुई जना सेना पोखरीमा डुबेको अवस्थामा फेला परेका छन् । पोखरीमा डुबेको अबस्थामा शव फेला परे पनि घटना शंकास्पद रहेको बताइएको छ । सबुज गणका लेस नायक दर्जाका ३० बर्षीय दोलखबहादुर चन्द र सोही उमेरका भरत विकको शव फेला परेको इलाका प्रहरी कार्यालय इटहरीका डिएसपी संञ्जय बहादुर राउतले जानकारी दिए ।
उनिहरुको शव गए राति ११ बजे सबुज गण हाता भित्रै रहेको पोखरीमा भेटिएपछि रातारात पोष्टमार्टमको लागी बीपी कोईराला स्वासथ्य विज्ञान प्रतिष्ठान धरान लगिएको थियो । तर, अहिले सम्म शवको पोष्टमार्टम नभएको प्रतिस्ठानले जनाएको छ । घटनाको बिषयमा नेपाली सेनाले आधिकारिक रुपमा जवाफ दिएको छैन ।
