सामुहिक बलात्कारपछि १२ बर्षीया बालिकालाई जिउदै जलाइयो
भारत, असमको नगांव जिल्लामा ५ कक्षामा अध्ययनरत १२ बर्षीया बालिकालाई तीन जनाले सामूहिक बलात्कारपछि जिउदै जलाइदिएका छन् । उनीहरुले मट्टितेल छर्केर आगो लगाई ती बालिकाको हत्या गरेको बीबीसी हिन्दीले जनाएको छ ।
घटना बटद्रोबा प्रहरी थाना अन्तर्गतको लालुंग गाउमा शुक्रवार भएको हो । प्रहरीका अनुसार पीडित बालिकाको ९० प्रतिशत शरीर जलेको थियो । उनको त्यही राति मृत्यु भयो । उनी होसमै भएका बेला प्रहरीलाई आफ्नो बयान दिएकी छन् । त्यही बयानका आधारमा प्रहरी बलात्कारमा संलग्न दुई जनालाई पक्राउ गरेको छ । यी दुबै पनि नाबालिग छन् ।
पक्राउ परेका दुबैजनाले आफ्नो अपराध स्वीकार गरिसकेको प्रहरीले जनाएको छ । बलात्कारमा संलग्न अर्का युवा जाकिर हुसैन भने फरार छन् । उनको खोजी तिब्र पारिएको छ । यो घटनापछि गाउले निकै आक्रोसित भएका छन् ।
शुक्रवार ती बालिका स्कुलबाट घर फर्किरहेकी थिइन । छिमेकी जाकिर हुसैन लगायत उनका अरु दुई साथीहरुले उनलाई पछ्याएका थिए । त्यसपछि उनीहरु घरमै पसेर बलात्कार गरेका हुन । लगत्तै बालिकाको शरिरमा मट्टित्तेल छर्केर आगो लगाएको प्रहरीले जनाएको छ ।
