वडाध्यक्षले यसरी पाए उपमेयरको धोबी धुलाई,स्कुलको खेल मैदानमा यस्तो भयो लफडाको खेलाई

वडा अध्यक्ष र सदस्यमाथि कुटपिट भएकाे छ । सुनसरीको दुहबीनगरपालिकाकी उपमेयर सुनिता दाहाल साहले उनीहरूकाे धुलाइ गरेकी हुन् । न्यायिक समितिकाे संयोजक समेतकाे जिम्मेवारी पाएकी दाहाल साह दुहबीनगरपालिका–५ का वडा अध्यक्ष तथा सदस्यलाई आफैले कुटपिट गरेकी छन् ।

५ नम्बर वडाकाे सरस्वती उच्चमाबि खेल मैदानको निर्माण अनुगमनको लागि नगरपालिका पुगेका वडा अध्यक्ष रमेश रौनियार र सदस्य कृष्ण तामाङलाई नगरपालिका परिसरमै रामधुलाइ भएको हाे । खेल मैदान निर्माण सम्पन्न पश्चात अनुगमन गरी बजेट फर्छौट गरिदिने वडाअध्यक्षले माग गरेका थिए ।

त्यही विषयमा सामान्य विवाद भएपछि उपमेयर साहले आफनो श्रीमान सुनिल साह बोलाइन् र वडाअध्यक्षलाई कुटिन् । वडा सदस्य तामाङले चाडो रकम निकाशाका लागि आग्रह गर्दा उपमेयर साहले कार्यकक्षबाट ‘गेट आउट’भन्दै बाहिर निकालेको बताए । अभद्र व्यवहार गदै श्रीमानलाई बोलाएर कुटपिट गरिएको उनको दाबी छ ।

निर्माण सम्बन्धी फाइल उपमेयरले नियन्त्रणमा लिइ काम समेत रोकेको वडा अध्यक्ष रमेश रौनियाले बताए । आफुहरु कुरा बुझन नगरपालिका पुगेको वडा अध्यक्ष रौनियारको भनाई छ । कुटपिट पछि आक्रोशित सर्वसाधरणले दुहबीनगरपालिका दिनभर घेराउ गरे । कुटपिटपछि सहमति भएकाे छैन् ।

कुटपिटको भिडियो सार्वजनिक भएपछि जनप्रतिनिधिले हातहाल्नु गलत भएकाे स्थानीयले बताएका छन् । यस घटनामा उपमेयर भने चुपचाप बसेकी छन् ।