काठमाडौंबाट मेलम्ची जाँदै गरेको बस पल्टियो, ३ जना ठहरै
फाइल फोटो
काठमाडौंबाट सिन्धुपाल्चोकको मेलम्ची हुँदै भोटे नाम्लाङ जाँदै गरेको यात्रुबस मेलम्ची नगरपालिका वडा नम्बर १२ स्थित तामाखानीमा दुर्घटना भएको छ। दुर्घटनामा परी ३ जनाको घटनास्थलमै मृत्यु भएको इलाका प्रहरी कार्यालय मेलम्चीले जनाएको छ।
आमाहेल्मो यातायातको बा३ख ४३२५ नम्बरको बस दुर्घटना भएको र घाइतेको उद्धार गरी उपचारका लागि धुलिखेल र काठमाडौं पठाइएको प्रहरीले जनाएको छ। दुर्घटना कसरी भयो भन्नेबारे प्रहरीले अनुसन्धान गरिरहेको जनाएको छ।
