प्लेन पुरै जल्यो,विमानमा लागेको आगो नियन्त्रणमा,घाइतेलाई अस्पताल लगिदै
त्रिभुवन विमानस्थलमा ढाकाबाट आएको युएस बंग्लाको एक विमानमा लागेको आगलागी नियन्त्रणमा आए पनि विमान लगभग पूर्ण रुपमा क्षति भएको विमानस्थल स्रोतले जानकारी दिएको छ।
गम्भीर घाइते भएका आधा दर्जनजति यात्रुलाई एम्बुलेन्समा राखेर अस्पतालतर्फ लगिएको स्रोतले जानकारी दिएको छ।
विमानभित्रका केही यात्रुहरुलाई गम्भीर अवस्थामा एम्बुलेन्समा राखेर अस्पतालतर्फ पठाइएको छ। यात्रुहरुलाई उद्धार गरिने प्रयास जारी रहेको सुरक्षाकर्मीहरुले जानकारी दिएका छन्।दुर्घटनाग्रस्त भएको विमानमा रहेका सात जनाको उद्दार गरिएको छ ।
