६०औँ वार्षिकोत्सव भब्य रुपमा यसरी मनायो ओखरपौवा मा.वि.ले(कार्यक्रमको भिडियो सहित)
ककनीमा अवस्थित ओखरपौवा मा.वि. ६०औँ वार्षिकोत्सव कार्यक्रम भव्यताका साथ सम्पन्न गरेको छ । गत शनिवार स्कुल प्राङ्गण कार्यक्रममा विविध कार्यक्रमका साथ आफ्नो वार्षिकोत्सव कार्यक्रम सम्पन्न गरेको हो ।
विद्यालय व्यवस्थापन समितिका अध्यक्ष रामजी फुयालको सभापतित्व सम्पन्न उक्त कार्यक्रम भारतीय राजदूतावासका ड्यूपुटी चिफ अफ मिशन अजयकुमारको प्रमुख आतिथ्यतामा सम्पन्न भएको थियो ।
सो कार्यक्रममा विशेष अतिथिहरुमा पूर्व अर्थमन्त्री रामशरण महत, नेपाल भारत मैत्री समाजका संस्थापक अध्यक्ष प्रेम लस्करी, नुवाकोट जिल्ला न्यायाधीस लोकजजंग शाह, रमेश महत, भाग्यश्री लामा, श्यामराज पाठक, जितबुहार बलामी, दिपेश लामा, योगनाथ फुयाल, नरेन्द्र फुयाल लगायतको उपस्थिति रहेको थियो । त्यस्तै विद्यालय व्यवस्थापन समितिका सदस्य रमेश तामांगले कार्यक्रमको संयोजन गरेका थिए।
उक्त विद्यालयमा नेपाल भारत मैत्री समाजको सहयोगमा विज्ञान प्रयोगशाला स्थापना गरिएको छ । सो अवसरमा प्रमुख अतिथि भारतीय दूतावासका डि.सी.एम.का अजय कुमारले उद्घाटन एवं हस्ताक्षर गरेका थिए । यस कार्यले नेपाल भारतको दौत्य सम्बन्धलाई सुमधुर गर्ने कार्यमा टेवा पुग्ने बताए ।
कार्यक्रममा विद्यालय प्राधानाध्यपक पुष्पनारायण मानन्धर र विद्यालयका विद्यार्थीहरुले अतिथिहरुलाई फूलमाला र विभिन्न सांस्कृतिक कार्यक्रमले स्वागत एवं सम्मान प्रदान गरेका थिए । कार्यक्रममा स्थानीय जनप्रतिनिधि एवं शैक्षिक व्यक्तित्वहरुको उल्लेख्य उपस्थिति रहेको थियो ।
