प्रदेश २ को मुख्यमन्त्रीमा फोरमका लालबाबु राउत नियुक्त
प्रदेश २ को मुख्यमन्त्री पदका लागि संघीय समाजवादी फोरम संसदीय दलका नेता लालबाबु राउत नियुक्त भएका छन्।
प्रदेश प्रमुख रत्नेश्वर कायस्थले उनलाई नियुक्त गरेका हुन्।
१ सय ७ सदस्यीय प्रदेशसभामा फोरमको २९ र राजपा २५ गरी ५४ सिट छ।
प्रदेश सभामा कुनै पनि पार्टीको बहुमत नरहेकाले दुई दलले मुख्यमन्त्री संघीय समाजवादी फोरम नेपाललाई र सभामुख राजपालाई दिने गरी सहमति गरेका हुन्।
उनको सपथग्रहण बिहिबार हुने छ।
राउतले प्रदेशको समग्र विकासलाई प्राथमिकतामा राखेर अब सरकार गठन गरिने बताएका छन्।
