कालिका पावरको ६ करोडको आईपिओ आइतबारदेखि खुल्ने
कालिका पावर कम्पनीले आइतबारदेखि प्रभावित क्षेत्रका स्थानीयवासीका लागि साधारण शेयर निष्कासन गरेको छ। कम्पनीले स्थानीयबासीलाई १० प्रतिशत हुन आउने ६ करोड रुपैयाँ बराबरको साधारण शेयर निष्कासन गरेको हो।
स्थानीयबासीले न्युनतम १० कित्तादेखि तीन हजार कित्तासम्म आबेदन दिन पाउनेछन्। फागुन ६ गते र ढिलोमा फागुन २१ गते सम्म स्थानीयवासीले आबेदन दिन पाउँछन्।
हाल गोरखा जिल्लाका स्थानीयवासीका लागि दुई लाख ४० हजार कित्ता मुच्चोक, सौरपानी, ताकुमाझ लाकुरीबोट, मसेल, श्रीनाथ कोट, ताप्ले, नारेश्वर गाविस र गोरखा नगरपालिका वडा नं ४, ५ तथा १३ का लागि निष्कासन गरिएको छ। गोरखा जिल्लाका अन्य क्षेत्रका स्थानीयवासीले ३ लाख ६० हजार कित्ता शेयर पाउनेछन्।
स्थानीयवासीलाई शेयर वितरणपछि कम्पनीले २० प्रतिशत हुन आउने १२ करोड रुपैयाँ बराबरको सर्वसाधारणको लागि शेयर निष्कासन गर्ने छ।
