राष्ट्रपति भण्डारीले नेतालाई भोज खुवाउनुको यस्तो भेटियो चुरो कुरो,स्वार्थ गासिएको भोज किन पाक्छ शितलनिवासमा
प्रतिनिधि सभा र प्रदेश सभाको निर्वाचनमा वाम गठबन्धनले बहुमत प्राप्त गरेसँगै राष्ट्रपति, उपराष्ट्रपति, सभामुख, उपसभामुखसहितका पदको भागबण्डाको गृहकार्य एमाले–माओवादीले सुरु गरिसकेका छन् ।
यस्तो अवस्थामा को राष्ट्रपति बन्ला भनेर चासोको विषय बनेको छ । तर, बहुमत प्राप्त दलका शीर्ष नेताहरुले नयाँ अनुहार ल्याउने भन्दापनि अहिलेकै राष्ट्रपति विद्यादेवी भण्डारीलाई नै दोहोर्याउने तयारी गरेको खुलासा भएको छ ।
स्वयम् राष्ट्रपति भण्डारीले नै आफू पूनः राष्ट्रपतिमा ईच्छुक रहेको चाहना प्रकट गरेपछि वाम गठबन्धनका शीर्र्ष नेताद्धय केपी शर्मा ओली र पुष्पकमल दाहाल प्रचण्डले पनि उनलाई दोहोर्याउने वचनबद्धता गरिसकेको खुलासा भएको छ ।
ओली त सुरुदेखि नै विद्यालाई दोहोर्याउने पक्षमा रहेको खुलासा धेरै पहिल्यैदेखि नै भैरहेको थियो । अब माओवादी केन्द्रका अध्यक्ष प्रचण्डले पनि विद्यालाई नै पूनः राष्ट्रपतिमा दोहोर्याउने भन्दै अस्ति शुक्रबार भएको डिनर भेटवार्तामा वचन दिएका छन् । राष्ट्रपति भण्डारीले प्रचण्ड परिवारलाई डिनर खुवाएकी थिईन ।
उक्त डिनर पार्टीमा प्रचण्डले खुलेरै नै भण्डारीलाई राष्ट्रपतिमा दोहोर्याउने वचन दिएको उच्च स्रोतको दाबी छ । राष्ट्रपतिको डिनर भित्रको रहस्यका बारेमा अहिले चर्चा चलेको हो ।
प्रचण्डले दिए पूनः राष्ट्रपति हुने ग्रिन सिग्नल वाम राजनीतिमा खैलाबैला मच्चिएको छ । राष्ट्रपतिका लागि झलनाथ खनालले निकै इच्छा देखाएपनि ओली र प्रचण्डले भण्डारीलाईनै अघि सार्ने लक्षण देखिएको छ ।
यता ओली र ‘प्रचण्ड’ले भागबण्डाको गृहकार्य गर्न दोस्रो तहका नेताहरूलाई जिम्मेवारी दिइसकेको बताइन्छ ।
तर भित्रि रुपमा दुवै नेताहरु भण्डारीको पक्षमा दृढ भएर उभिएका छन् । स्रोतका अनुसार राष्ट्रपतिमा विद्यादेवी भण्डारी र उपराष्ट्रपतिमा नन्दबहादुर पुन नै दोहोरिने सम्भावना अहिले ह्वात्तै बढेर गएको छ ।
ओली र प्रचण्डबीच भण्डारी र पुनलाई नै यथावत राख्ने विषयमा एकचरण कुराकानी समेत भइसकेको छ । र फेरि एक पटक सबैलाई दोहोर्याउन बाम नेताहरु तयार देखिएका हुन्।
