संखुवासभाको मकालु गाँउपालिकामा गाडी दुर्घटना, गाँउपालिकाका अध्यक्षसहित ६ जनाको मृत्यु
काठमाडौं, पुस ३० । संखुवासभाको मकालु गाँउपालिकाका अध्यक्ष र सूचना अधिकारीसहित ६ जनाको जीप दुर्घटनामा मृत्यु भएको छ । माघेसंक्रान्तिका लागि भोटखोला जाँदै गरेका अध्यक्ष खड्ग कटुवालसहितका यात्रु चढेको बा ५ च १३०९ नम्बरको जीप दुर्घटनामा परेको प्रमुख जिल्ला अधिकारी शिवराज जोशीले जानकारी दिए ।
माघे संक्रान्तिका लागि बरुण नदीमा नुहाउन हिडेका उनीहरु चढेको गाडी सिम्माटार मिर्गेगैडा भन्ने स्थानमा दुर्घटना भएको हो । मृतकमध्ये गाउँपालिका अध्यक्ष कटुवाल, सोहि गाँउपालिकाका सूचना अधिकारी सुवासचन्द्र कुईकेल, र स्थानीय सुरेश कुमार राईको मात्रै परिचय खुलेको छ । गाडीका चालक र भूकम्प आवास पुर्ननिर्माण कार्यक्रमका दुई जना प्राविधिकको परिचय खुल्न सकेको छैन । दुर्घटनाको स्पष्ट कारण खुल्न सकेको छैन ।
