डा. उपेन्द्र देवकोटालाई दुर्लभ क्यान्सर, स्वास्थ्य अवस्था गम्भीर
वरिष्ठ ‘न्यूरोसर्जन’ डा. उपेन्द्र देवकोटा गम्भीर बिरामी परेका छन् ।
‘न्युरो’ रोग सम्बन्धी उपचारमा अन्तर्राष्ट्रित रुपमै ख्याति कमाएका डा. देवकोटालाई दुर्लभ प्रकारको क्यान्सर रोग लागेको उनी निकट स्रोतले जनाएको छ ।
डा. देवकोटा यतिबेला लण्डनस्थित एक अस्पतालमा उपचाररत छन् । उनको स्वास्थ्य अवस्था गम्भीर रहेको बताइएको छ ।
देवकोटाले हालसम्म ३० हजार जनाको टाउको शल्यक्रिया गरिसकेका छन, भने १० लाख भन्दा बढी बिरामी जाँच गरेका छन् ।
मंसिर १० गते भएको निर्वाचनमा डा. देवकोटा गृहजिल्ला गोरखामा बाम गठबन्धनका उम्मेदवार नारायणकाजी श्रेष्ठको पक्षमा मत माग्न व्यस्त थिए । निर्वाचन प्रचारकै क्रममा विरामी भएपछि उनी गोरखाबाट काठमाडौँ फर्किएका थिए । उनको नेपालमा उपचार नभएपछि लण्डिन लगिएको बताइएको छ ।
डा. देवकोटा पूर्व राजा ज्ञानेन्द्रको प्रत्यक्ष शासनकालमा सात महिना स्वास्थ्यमन्त्री भएका थिए ।
