नेप्से ९ अंकले घट्यो, जम्मा ४२ करोड ४३ लाख रुपैयाँको सेयर कारोवार

बुधबार नेपाल स्टक एक्सचेन्ज(नेप्से)को कारोबार मापक सूचक ९.२९ अंकले घटेर १४८४.४७ अंकमा झरेको छ। क बर्गका कम्पनीहरुको कारोबार मापक सूचक २.०७ अंकले घटेर ३१२.६८ अंकमा ओर्लिएको छ।

आज  शेयर बजारमा १५५ कम्पनीका नौ लाख ८३ हजार कित्ता शेयर ४२ करोड ४३ लाख रुपैयाँमा कारोबार भयो। सबैभन्दा बढी नेपाल टेलिकमको चार करोड रुपैयाँको शेयर किनबेच भयो।

कारोबारमा आएका सबै उपसूचक घटेका छन्। बैंक ०.५३, होटल ०.०१, जलबिद्युत १.३१, विकास बैंक ०.४, फाइनान्स ०.१५, बीमा ०.५६, उत्पादनमुलक १.४, अन्य १.२४, अन्य १.२४ र लघुवित्त ०.४२ प्रतिशतले घटेका छन्।

सिन्धु विकास बैंकका शेयरधनीले सबैभन्दा बढी ६.७१ प्रतिशत कमाएका छन्। हिमालयन डिस्टिलरीका शेयरधनीले करिब आठ प्रतिशत गुमाए।