शिवम सिमेन्टले सर्वसाधारण लगानीकर्ताको लागि ३७ लाख कित्ता आइपीओ जारी गर्ने
शिवम सिमेन्टले सर्वसाधारण लगानीकर्ताको लागि ३७ लाख कित्ता साधारण सेयर (आइपीओ) जारी गर्ने भएको छ ।
धितोपत्र बोर्डले गतबर्ष मात्रै उत्पादन मुलक लगायत अन्य क्षेत्रले न्युनतम १० प्रतिशत सेयर सर्वसाधारणलाई निष्कासन गर्न पाउने व्यवस्था गरेको थियो ।आइपीओ निश्कासनको विशेष प्रस्तावसहित कम्पनीले आगामी पुस २५ गते वार्षिक साधारणसभा आह्वान गरेको हो ।
साधारणसभाको बिषयमा जारी सूचनामा उल्लेख भएअनुसार कम्पनीको कुल जारी पुँजीको १० प्रतिशत आइपीओ निश्कासन गर्न लागिएको हो । यो कम्पनीको जारी पुँजी ३ अर्ब ७० करोड रहेको छ । साधारणसभामा कम्पनीको प्रबन्धपत्र संसोधनको प्रस्ताव समेत पेश हुने सूचनामा उल्लेख छ ।
प्रबन्धपत्रमा संसोधनपछि कम्पनीको सेयर स्वामित्व अनुपा संस्थापक समूहको ९० र सर्वसाधारण समूहको १० प्रतिशत रहनेछ ।साधारणसभामा विशेष प्रस्तावको रुपमा सेयरधनीलाई प्रतिसेयर १० रुपैयाँ ५३ पैसा नगद लाभांश वितरणको प्रसंग पेश हुनेछ ।
